ابيات شعر جميلة

بسم الله الرحمن الرحيم

تبسم واترك جروحك على جنب الزمن وارتاح
حرام تطيح من عينك على شان الزمن دمعه

انا برجوك لاتزعل ولاتزيد الجراح جراح
تبسم واترك جروحك على شاني بلارجعه

انا ادري صعب لو تنسى ولاكن الامل ماراح
ولو راح الامل يبقى في تالي من الالم متعه

ابيك اقوى من عنادي ولو جاك الكلام رماح
وابي تشعل من جنونك على طاري الغلا شمعه

وابي تذكر ليالينا ليالي شوقنا الفضٌاح
وابي تسهر على شاني وتذكر ليلة الجمعه

ابي تذكر الى منه كمل بـدر الجنون ولاح
اجي وتسابق جنوني خطاوي شوقي السرعه

كأن الروح بغيابك بقايا ساكنيها اشباح
وكأن القلب من بعدك غريق ويطلب الفزعـه

احبك والغلا يترجم جنوني والغلا ذباح
غرامً يكشف شعور الجنون ومسألة وضعه

كتبت الشعر لعيونك لقيتك للقصيد وشاح
لقيتك روعة حروفي سوالف عشقي ونبعه

ابيك اقوى من جروحك تحدى هالزمن وارتاح
لان الدنيا ماتسوى على شان الزعـل دمعه

روعة رووووووووعة قمة في الابداع

اعذرني حروفك ضيعت

حروفي مني كلامات معبره احساس راقي شقول وقفت حروفي

لك مني كل الاحترام والشكر والتقدير

كلمات ولا اروع صراحة كلمة روعة قليلة كثير