نواف &نورة

تعلن الخطوط الجويه السعوديه عن اقلاع رحلتها رقم 2954 والمتجهه بإذن الله من مطار الملك عبد العزيز بجده الىا مطار الملك خالد بالرياض
في المقعد رقم 32A يجلس نواف (( نواف شاب سعودي طويل القامه عريض المنكبين ملامحه حاده يرتدي الزيئ السعودي المعتاد يعمل في مدينة الرياض وأسرته في مدينة جده ))
تتقدم نوره بهدوء (( نوره فتاة سعوديه متوسطة الطول قمحية البشره وجهها دائري وعيناها واسعتان جمالها فاتن متوسطة الوزن في هذه الرحله ترتدي عباءه سوداء ونقاب عائده الىا الرياض بعد زياره استمرت اسبوعين لأختها التي تسكن مع زوجها في جده)) تحمل في يدها كرت الصعود الذي يحمل الرقم 32B تتردد في الجلوس ولعدم وجود مقعد آخر بديل تجلس نوره بجوار نواف
يرمقها نواف بعينه لسان حاله يقول (( هلا والله ))
تجلس نوره


نواف يدير وجهه للأمام
يربطون الأحزمه بإنتظار الإقلاع
مضيف الطائره يعطي توجيهات حول إجراءات السلامه
يتذكر نواف انه لم يغلق هاتفه المحمول يخرجه من جيبه ويخطف نظره أخرىا من جارته
نوره تنظر الىا الأمام ولم تلقىا بال لجارها المتطفل بنظراته
تقلع الطائره
ترتفع عالياً لتودع عروس البحر الأحمر
تطفأ إشارة ربط الأحزمه
يبدأ المضيفون بتوزيع الصحف
نواف يطلب صحيفة الشرق الأوسط

يتجاوز الصفحات السياسيه والإجتماعيه ويتوقف عند (( الكلمات المتقاطعه ))
يخرج قلمه من جيبه ليستعرض ثقافته امام جارته التي مازالت لاتحس بوجوده
‍1- أفقي : عاصمة فنزويلا
لايعرفها ويتجه الىا :
1 - عمودي : العنصر الأساسي في تركيب الفحم
بعد التفكير يكتب (( كربون))

يستنتج نواف ان الحرف الأول من عاصمة فنزويلا هو ( ك )
يحاول ان يستعيد ذاكرته لا يستطيع
بعد لحظة هدوء يجد نواف الحل ولكنه ليس عاصمة فنزويلا
الحل :
ان يستعين بجارته
قرر نواف ان يوجه لها السؤال
ولكن تخونه الجرأه
كلما هم بالسؤال يتردد ويقول في نفسه (( أخس يانواف وش بلاك متردد ))
( واحد اثنين ثلاثه ) لوسمحتي
نوره تنظر بسرعه وفي عينيها نظرات الدهشه الممزوجه بالغضب
نواف يبتسم ويأخذ نفس ويأشر بأصبعه علىا الجريده: ممكن عاصمة فنزويلا ؟
نوره تنظر الى الإمام ولاتنظق بكلمه
ثم تعود وتنظر مره أخرىا الىا الجريده
وتجيب بصوت خافت : كراكاس
نواف : what ..؟
نوره بتذمر : كراكاااااااااس
نواف : لحظه اشوف تراها ستة حروف ؟ كاف . راء . الف .كاف . الف .سين
صحححححححححححححح
نوره تبتسم في داخلها وتقول : ادري انه صح

نواف يكتب الحروف وصوت نوره يتردد في أذنه كراكااااااااس كراكااااس كراكااس
وبعد ان يكمل حروف العاصمه يتجه الىا
2- عمودي: آله وتريه
يجاوب بسرعه ربابه
3 - عمودي : أمير الشعراء
بسرعه أيضا .. أحمد شوقي
4 - عمودي مغلق
5- عمودي : نسيم الصباح بالفارسي
نواف لايعرف الجواب ويفكر بالاستنجاد بجارته
ويقول لنفسه (( بسألها بس أكيد ماتعرف ))
وبدون تردد : لو سمحتي كلمه معناها نسيم الصباح بالفارسي أول حرف ألف من أربعه حروف
نوره : تنظر باتجاهه ولكن ليس الى وجهه وتجيب وتجيب بسرعه (( أياز ))
نواف : وشو .؟
نوره تصمت وتنظر في المقعد الذي أمامها
نواف : وهو محرج طيب ممكن تكملين انتي وانا اتابع ..
نوره : بكتب لك هذي وانت كمل
نواف : سمي
نوره تكتبها
نواف قبل ان تكمل الحروف : خلاص انا مابكمل اذا مابتكملين تصفحي الجريده ايزي
نوره : لا خلاص بكمل
نواف وهو مبتسم : اذا صعب عليك شيء إسأليني خصوصا بالرياضه
نوره تبدأ تكمل الكلمات المتقاطعه دون الحاجه إلىا نواف
نواف بعد دقائق يشعر ان مربعات الكلمات المتقاطعه سوف تمتلئ بالحروف عندها حبل الوصل بينه وبين جارته سوف ينقطع
نواف : ماشاءالله عليك
وقبل ان ترد نوره يأتي المضيف ليقدم وجبة الغداء
تضع نوره الجريده في الجيب الخلفى للمقعد الذي أمامها
يتناول كل منهما الغداء في صمت
وبعد فروغهما من الغداء
نواف يلاحظ ان نوره لم تخرج الجريده ولم تكمل الكلمات المتقاطعه
يتردد بعد طول صمت
نواف : ليش ماتكملين ؟؟
نوره : انتهيت
نواف : طيب هاتي بشوف يمكن عندك أخطاء
نوره : لا انا متأكده
نواف : طيب دامك واثقه هاتي اشوف
نوره وهي مبتسمه : تفضل
نواف : ماشاءالله عليك عبقريه ؟
نوره : شكرا من ذوقك
نواف : ممكن سؤال
نوره : تفضل
نواف وهو ينظر الى يديها الموضوعتان فوق بعضهما : من وين لك الثقافه هذي؟
نوره لاتجد جواب وتقرر الصمت
نواف : أقصد بسأل عن مستواك العلمي
نوره : انا طالبه بالجامعه .. وانت ؟
نواف : انا موظف بالإتصالات
نوره : وين ؟
نواف : بالرياض .. وانتِ وين؟؟
نوره : بالرياض
نواف : انا بحتفظ بالجريده ممكن ؟؟
نوره : ليش ؟ (( بخاطرها تقول انا شدخلني ))
نواف : عشان فيها خط ايدك
نوره تشعر بالحرج وتقول : خط قلمك
يضحكان جميعاً
يقطع ضحكهما إشارة ربط الأحزمه استعداداً للهبوط
الجميع صامت يفكر في جميع ماقال وسمع
تهبط الطائره وبعد الوقوف تماما تغادر نوره مقعدها متجهه لباب الطائره
نواف لايعلم ما الذي جعله جالس الى الآن لم يلحق بها ولم يقل لها كلمة ((حمدلله على السلامه))
وبعد أقل من دقيقه يقول لنفسه : (( حراام تفووت ))
يلحق بها علىا عجل وقد أخرج كرت شخصي له مكتوب رقم هاتفه المحمول وإسمه
يقترب بسرعه من نوره في الممر الذي يخرج من الطائره بعد ان كاد يفقدها
يمشي بجوارها
ويفاتحها قائلاً :الجريده معي
نوره تسارع خطواتها
نواف : الجريده ذكرىا من عندك وانتِ خذي الكرت هذا ذكرى
``
نوره تزيد من سرعة خطواتها
نوره دون ان تنظر الى نواف :اقول تراني مانيب منهم
نواف : طيب خذيه ممكن تحتاجيني
نوره تلاحظ إصرار نواف الذي قد يلف انتباه الماره وتأخذ الكرت وتقول لنفسها (( اول ماطلع من المطار برميه ))
نواف يباطئ من خطواته تاركاً نوره تضيع في زحمة الماره
والد نوره وشقيقتها الأصغر دلال يستقبلانها بالمطار
((والد نوره اسمه عبدالرحمن وهو رجل أعمال له من الابناء ولد واحد وثلاثة بنات الولد اسمه خالد متزوج ويسكن أيضا في الرياض ويعمل مع والده . اما البنات الكبرى اسمها أمل وهي التي تسكن مع زوجها في جده نوره هي الوسطى بين البنات والصغرى دلال وتعتبر دلال أخت وصديقه لنوره دلال فتاة طويلة ذات جسم ممشوق شعرها اسود وطويل لا يوجد في أقربائهم من تنافسها في الجمال تشترك مع نوره في صفاتها الشخصيه مثل الهدوء والذكاء والثقافه , نوره ودلال تحضيان باهتمام من والديهما وتعيشان حياه مرفهه وجميله ))
نوره : السلام عليكم
عبدالرحمن (( والدها )) : وعليكم السلام
دلال : وعليكم السلام حمدلله علىا السلامه وحشتيني
تتقدم دلال لتستلم حقيبة نوره ثم يتجهون الى سيارتهم المتوقفه في مواقف المطار
نوره تركب في المقعد الامامي بجوار والدها ودلال بالخلف
دلال : والله لك وحشه البيت بدونك مايسوىا
عبد الرحمن: احم احم
نوره تضحك قليلا ثم تقول : امي كيفها
دلال : الحمدلله تمام وهي بعد اشتاقت لك توني عرفت انها تحبك أكثر مني
نوره : لاياشيخه
عبدالرحمن : انشاء الله استانستي بجده
نوره : الحمدلله
ثم تذكر نوره الكرت الذي كانت تنوي ان ترميه في سلة المهملات بالمطار ولكنها لم تذكره الا بالسياره
ويستمر الصمت قليلا
عبد الرحمن : بنتي اليوم مو علىا عادتها
نوره : ليش ؟
عبد الرحمن : اشوف اجاباتك مختصره انتي علىا خبري بدون مانسألك تقولين لنا السالفه من بداية الرحله لنهايتها
نوره : لاحقين بقول لكم كل شيء
دلال : يبه لاتوصي انا الضحيه بتغثني الحين بسواليفها
إبتسامه من الجميع يعقبها صمت حتىا تتوقف بهم السياره أمام منزلهم وكان في إستقبالهم والدتهم (( والدة نوره إسمها العنود وهي ام وزوجه ناجحه تساهم مع زوجها في خلق جو أسري جميل ))العنود : هلا بالغاليه
نوره : هلا يمه وحشتيني
بعد استقبال حار تتجه نوره الىا غرفتها لتبدل ملابسها تخرج كرت نواف من حقيبتها الصغيره وهي تريد التخلص منه تدخل دلال فجأه نوره تضع الكرت تحت وسادتها
دلال : وين الهديه ؟؟؟؟؟؟؟
نوره : شوي شوي خرعتيني ..بعدين وش هديته وين انا رايحه باريس كلها جده واسبوعين
دلال : مو لازم هديه اهم شيء انتي كيفك
نوره : دلال ممكن تتركيني انام
دلال : آسفه
نوره : والمطلوب مني الحين ؟؟
دلال : تنزلين معي امي تنتظرك
نوره : طيب انزلي دقايق واجيكم
دلال : قلت لك آسفه
نوره : دلال وش فيك اليوم ؟؟
دلال : لاتلوميني مشتاقة لك
نوره تبدل ملابسها وتنزلان لتكملان بقية اليوم مع والدهما ووالدتهما
ثم تعود نوره الىا غرفتها ليلا وهي مرهقه وترتمي علىا السرير وتغط في سبات عميق
تصحوا الصباح وتذكر الكرت الموجود تحت الوساده ولكنها هذه المره تمسكه في يدها وتستعيد شريط ذكرى الرحله رقم 2954 تبتسم في داخلها عندما تتذكر إصرار نواف علىا أن يكون علاقه معها ولكنها تقطع إبتسامتها وتقول لنفسها (( حمدلله انا وش مخليني افكر فيه )) هاتفها يرن قبل ان ترد تضع الكرت في خزانة الملابس
تنظر الىا هاتفها رقم غريب
نوره : هلوو
طوط طوط طوط
نوره : احسن فكه
ثم تخرج لترىا هل أحدهم قد صحى من نومه ؟؟
لا أحد
تعود الىا غرفتها وتخرج الكرت وتمسكه في يدها بعد تردد تخزن الرقم الموجود فيه في هاتفها المحمول بإسم ( أحلام ) وتلقىا الكرت في سلة المهملات
بعد تفكير متردد تقرر ان تتصل بنواف هي لاتريد ان تتكلم ولاكن الفضول دفعها هل يتوقع اتصالي وتقول لنفسها (( بدق واترك الخط مفتوح بشوف شيقول يتوقع انا او لا ؟ ))
تتصل نوره
ترررررررن تررررررررن
نواف : مرحباا
نواف : هلوووو
نواف : هلووووو
نواف : يابو الشباب تكلم يوووووووووه من هالحركات
طوط طوط يغلق الخط

تعاود الإتصال ولكن هذه المره تريد الحديث ولكن لاتريد ان يعرف أنها من رافقته من جده الى الرياض
ترررررررررن تررررررررررررن
نواف يفتح الخط قائلاً : وبعدييييييييييييييين

نوره تحاول ان تتكلم ولكن الخجل يمنعها من الحديث
بعد تردد
طوط طوط طوط
تغلق الخط

تخطر علىا بالها فكره وتبتسم ثم تتصل
ترررررررررن ترررررررررن
نواف : لاحول الواحد مايرتاح بنومه
نوره بصوتها الناعم : هلا
نواف : أهلين
نوره :اقول هلا موجوده ؟؟
نواف : وهو يضحك لا أهلين موجوده !!
نوره : طيب آسفه علىا ازعاجك
نواف يحاول يبين لها انه غير منزعج : لاااااااااا لا ازعاج ولا شيء عادي
نوره : مع السلامه
نواف : يعني مايصير تزعجيني من نومي وتقولين مع السلامه كذا
نوره : هههه انت تقول عادي مافيه ازعاج والحين تقول ازعجتيني .. اقول مع السلاامه
نواف يحاول ان يتكلم طوط طوط طوط
جوال نوره
الرسائل الوارده = 1
تفتح الرساله نوره
" مايصير كذا تقفلين بوجهي وانا ماقلت مع السلامه "
تحس نوره بالندم وترسل له مسج عاجل بدون تفكير
جوال نواف
الرسائل الوارده = 1
يفتح الرساله نواف
" تعرف عاصمة فنزويلا؟ "
نواف يكاد يطير من الفرح
هي هي هي وربي هي
يتصل بسرعه يجد الجوال مغلق
يقول لنفسه (( البنت هذي بتجنني من البدايه ))
يتصل مره أخرى بعد ربع ساعه
تررررررررن ترررررررررن ترررررررررن تررررررررررررررن تررررررررن لم يتم الرد
يعاود الاتصال
ترررررررن ترررررررررررن ترررررررررررررن
نوره تفتح الخط ولاكن لاتتكلم
نواف : السلام عليكم
نوره ..........
نواف : رد السلام واجب
نوره : وعليكم السلام .. كنت تتوقع اني أتصل ؟؟
نواف : ماكنت اتوقع بس مافقدت الأمل
نوره وهي تحاول ان تبرر اتصالها : بس حبيت اشوف ترىا انت تنتظر اتصالي يعني فضول
نواف : أحلىا فضول
نوره ......
نواف : تصدقين ؟
نوره : وشو
نواف : اكلمك واناظر بخط ايدك
نوره : وين ؟
نواف : نسيييييييينا ؟؟
نوره : اهاا ذكرت
نواف بعد صمت : انا مستانس كثير عشان سمعت صوتك
نوره : الله يسلمك
نواف : الله يخليك
نوره : الله يعافيك ههههههه
نواف : هههههههههههه
نوره : باااي اهلي صحوا
نواف : متىا أكلمك
نوره : لاتتصل انا أتصل فيك باااااااي
نواف : بااااي
تغلق نوره هاتفها وهي مبتسمه وتسأل نفسها (( وش اللي خلاني أكلمه انا اول مره اسويها بس هذي آخر مره واذا اتصل مابرد عليه))
نواف يستلقي علىا سريره ويغمض عينيه ويعيش لحظات جميله من الهدوء والتأمل
يقول لنفسه (( ماني مصدق اتصلت .. انا اقول لها مافقدت الامل وانا ماكان عندي أمل انها تتصل عاد الحين مابقفل جوالي مادري متىا تتصل ))
اليوم الأول يمر دون ان تتصل نوره
اليوم الثاني كذلك
نواف يعيش في قلق
يفكر في الإتصال ولكنه يذكر انها قالت (( لاتتصل انا اتصل فيك ))
نواف مخاطباً نفسه (( ليش ماتصلت يعني تبي تعلقني والا حصل لها شئ ؟ والله بتصل واللي يصير يصير ))
ترررررررررن تررررررررررررررن تررررررررن
نوره : دقايق واكلمك انا جالسه مع اهلي باااااااي
نواف بنبره حزينه : باي
طوط طوط
تذهب نوره الىا غرفتها وتتصل
تررررررررن
نواف يرد بسرعه لأنه كان في إنتظار المكالمه : هلا والله
نوره : بقول لك شيء بس لاتزعل
نواف : خير انشاءالله
نوره : فكرت كثييير باللي سويته واعرف اني مسويه شيء خطأ ضد مبادئي ولايناسب تربيتي أرجوك انسىا رقمي
نواف وقد ذابت أحلامه : لايكون زعلتك بشئ بدون قصد
نوره : لا والله بالعكس انت انسان محترم أتمنىا لك التوفيق بس انا ماقدر اكلمك هذا مو طبعي
نواف : اوكي اللي تشوفينه
نوره : مع السلامه
نواف : مع السلامه
نوره لاتغلق الخط ونواف كذلك
نوره وهي تكاد تخنقها العبره : ليش ماتسكر ؟؟
نواف : سكري انتي
نوره : مع السلامه
طوط طوط طوط
تغلق نوره الخط وعيناها قد اغرورقت بالدموع
نواف يعيش لحظات من الحزن ويقول لنفسه (( اليوم اتضايق بكره انسىا انشاءالله ))
يمر يوم الغد دون ان ينساها وجميع مادار بينه وبينها يدور في مخيلته
وتمر اسبوعين ونواف لم ينس نوره ونوره لم تنس نواف
نواف يصحى من نومه مذعور بعد مرور اسبوعين ويومين عندما رأىا في منامه
ان نوره تناديه نوااااااااف لاااتتركني
ينتظر حتىا الصباح
بدون تردد يتصل علىا رقم نوره
تررررررررررن ترررررررررن ترررررررررن
نوره تفتح الخط
نواف يضع أغنية أحلام أحتاجك أنا :-
والله احتاجك انا
خلك بجنبي قريب
وان حصل شيء بيننا
عن حياتي لاتغيب
نوره تستمع بصمت
نواف لايتكلم
أحلام تغرد
الىا ان تصل:-
ياللي شفت احلامي فيه
والتقيت بأحلىا جنه
ادعوا ربي وارتجيه
ربي لاتحرمني منه
نوره تصرخ قائله : خلااص سكررر الاغنيه
نواف يخفض الصوت الىا أدنى مستوى ويستمع الىا نوره وهي تتنهد يعلم انها تعاني مايعاني
نواف يفاتحها قائلا : ماقدرت اصبر
نوره .........
نواف :ولا دقيقه غبتي عن بالي
نوره .........
نواف : لاتتركيني
نوره : وانت اوعدني ماتتركني
نواف : وعد.. وانتي بعد اوعديني
نوره : وعد
نواف : الغريب اني للحين ما أعرف اسمكنوره : طيب قول انت اول
نواف : انا سألتك اول طيب قولي وشو اول حرف
نوره : نون .. وانت وشو اول حرف من اسمك ؟؟
نواف : نون .. طيب وشو ثاني حرف من اسمك
نوره : واو .. وانت وشو ثاني حرف من اسمك
نواف : ههههههههه لايكون اسمك نواف
نوره : انت اسمك نواف ؟؟
نواف : yes وانتي اسمك .. نوال ؟؟
نوره : لاااااا
نواف : طيب والحرف الثالث
نوره : الحرف الثالث نوره
نواف : عاشت الاسامي
ثم يبدأ كل منهم يعرف الثاني على نفسه نبذه من حياة نواف ونبذه من حياة نوره
تستمر المكالمه 4 ساعات
نوره : يلااا بسكر الحين متى اكلمك
نواف : أي وقت
نوره : اوكي بااااي نوااف
نواف : بااايااات نوره
طوط طوط طوط
نواف يرتمي علىا السرير والابتسامه في محياه
نوره تخرج من غرفتها وهي تغني :-
ياللي شفت احلامي فيه
والتقيت بأحلىا جنه
ادعوا ربي وارتجيه
ربي لاتحرمني منه
في نفس اليوم ليلا تتصل بنواف وتستمر معه في مكالمه استمرت 3 ساعات
واليوم الثاني كذلك
والثالث
اسبوع
اسبوعين
ثلاثه
شهر
شهرين
والحال علىا ماهو عليه
مكالمات يوميه ولكن الأعظم من المكالمات هو الشعور الذي تكنه نوره لنواف من الحب العارم
نوره تخاطب نفسها
نواف يحبني ؟
والا مايحبني ؟
لو يحبني ليش مايصارحني ؟
لو مايحبني ليش يكلمني طول هالمده ؟؟
تتصل نوره علىا نواف الساعه الواحده والنصف ليلا
طوط طوط طوط مشغول
بعد دقيقتين : طوط طوط طوط طوط مشغول
بعد عشر دقائق طوط طوط طوط طوط مشغول
بعد نصف ساعه طوط طوط طوط مشغول
بعد مرور ساعه وعشر دقائق
ترررررررررررن ترررررررررررررن
نواف يفتح الخط : هلاااااااااااااااا
نوره : من كنت تكلممممممممممم ؟
نواف مبتسما : وعليكم السلام
نوره : من كنت تكلممممممممممممممم ؟؟
نواف : طيب ممكن تهدين وانا بقول لك علىا كل شيء
نوره : قول
نواف : والله والله كنت اكلم امي بجده
نوره : انت حلفت وانت ماتكذب
نواف : ممكن اسألك نوره ؟؟
نوره بصوت منخفض : اسأل
نواف : ليش تغارين علي ؟؟؟
نوره : مو غيره بس اخاف عليك
نواف : من ايش تخافين علي ؟؟
نوره : من مكالمات آخر الليل
نواف مبتسما ً : اهااا
نواف وقت أيقن ان نوره تحبه
نواف : نوره شرايك بالحب ؟؟
نوره : انا احب امي

احس نواف ان نوره لازالت غاضبه عليه وقرر ان يصارحها بحبه لها

نواف : نوره بقول لك شيء كنت متردد اقوله

نوره : تفضل

نواف : نوره انا

نوره : انت وشو

نواف : انا بسكر الحين بكلمك بعد شوي

نوره : مو هذا اللي كنت بتقوله

نواف : كيف عرفتي ؟؟

نوره : انت تقول انك كنت متردد

نواف يشعر بالحرج : طيب بسكر الحين واذا كلمتك بعد شوي اقول لك

نوره : طيب

نواف : بااااااااي

نوره : باي

طوط طوط طوط

نواف يفكر ويفكر ويفكر ويقول لنفسه (( والله لقول لها احبك الحين لين متى وانا مخبي عليها ))

نوره تفكر وتقول لنفسها (( وش كان بيقول ؟؟وليش سألني عن رأيي بالحب ؟؟ شكله حس اني احبه ويبي

يبين لي انه مرتبط مع بنت من أقاربه بجده .. لا لا مو معقول ماقال انه خاطب او يفكر بخطوبه ..))

وأثناء تفكير نوره يتصل نواف

تررررررن ترررررررن

نوره : هلاا

نواف : نوره انا احبك

نوره .......

.........

نواف يحس انه قد أساء تقدير مشاعرها (( شكلها ماتحبني ليش ساكته ))

نواف وقد احمر وجهه ويمسك السماعه بيد مرتعشه : نوره ليش ساكته ؟؟

نوره : بسألك سؤال

نواف وهو يشعر ان قلبه قد يتوقف : اسألي

نوره بصوت منخفض : كنت تعرف اني احبك ؟؟

نواف ياخذ نفس عميق : يعني بس مو متأكد

نوره : انا احبك

نواف : وشووو

نوره : احبك

نواف : وشووو

نوره : ههههههههه

نواف : ماني مصدق

نوره وهي مبتسمه : وليش

نواف : مادري انا بحلم والا بعلم

نوره : يمكن تحلم

ضحكه جماعيه تستمر بعدها المكالمه الىا الصباح

مع شروق يوم ٍ جديد يعيش الأحباب من أجمل لحظات عمرهما

نوره : نواف

نواف : عيونه

نوره : احبببببببببببببببببببببببببببببببببببببببببببك

نواف : انا امووووووووووووووووووووووت فيك

نوره : الله لايحرمني منك

نواف : آآآآآآآآآمين ولايحرمني منك

دقيقة صمت تقطعها نوره قائله : نواف الحين بسكر

نواف : خليك معي شوي مابيك تبعدين عني حبيبتي

نوره : نواف عيد آخر كلمه

نواف : حبييييييييييبتي

نوره : الله ماحلاها ... يلا استاذنك حبيبي

نواف : انتبهي لروحك

نوره : من عيوني

نواف : تسلم عيونك

نوره : باااي

نواف : باااي

طوط طوط

ولكن هذه المره ليست كسابقاتها يعيش كلاً من نواف ونوره لحظات ورديه وهو يفكر في من يحب

نواف يستلقي علىا السرير وعيناه مليئه بنظرات الأمل وينظر الىا سقف غرفته

نوره تنام على السرير بالعكس رجليها علىا وسادتها ورأسها علىا آخر السرير

((يحبني يحبني ))

نواف ينهض من علىا سرير يمسك هاتفه المحمول ويكتب رساله

**يقطع هدوء نوره نغمة رساله

جوال نوره

الرسائل الوارده =1

تفتح نوره الرساله وتجد

"قالت احبك عيشتني بجنه

قالت احبك والله ماني مصدق

يابخت قلبي دام نوره تحبه

يابخت قلبي دام نوره بقلبي

نوره احبك يابعد روح روحي

نوره يانور القلب والله احبك

ياللي رسمتي لي معك حلم وردي

والله احبك احبك احبك "

** جوال نواف **

الرسائل الوارده = 1

يفتح نواف الرساله ويجد

"احبك"

ثم يغط كلا منهما في سبات عميق

تستمر المكالمات بين نواف ونوره لمدة شهر مليئه بكلمات الحب

يعتبرونها أجمل ايام عمرهما

الىا ان أتى يوم الاربعاء الساعه الثانيه ظهرا ً يتصل نواف علىا نوره

ترررررررن ترررررررررن

نوره : هلا حبيبي

نواف : هلا بعد عمري .. كيف الجامعه اليوم ؟؟

نوره : مثل كل يوم

نواف : اوكي حبيبتي نامي الحين عشان الليله خميس أسهر معك للصباح

نوره : انشاءالله

نواف : باااي

نوره : باااي

طوط طوط طوط

الساعه الحاديه عشر مساءً نواف يتصل علىا نوره

تررررررررررن ترررررررررررن

نوره : هلا حبيبي

نواف : مرحبا يااقلبي

نوره : تأخرت علي

نواف : كنت معزوم

نوره : غريبه ماقلت لي !!

نواف : ليش انتي مو نايمه ؟؟

نوره : لا مانمت اليوم

نواف : شلون تقولين بنام وماتنامين ؟؟

نوره : شسوي ماجاني نوم

نواف : الله يعين

دقيقة صمت

نوره : زعلت ؟؟

نواف : لا

نوره : ليش ساكت

نواف : ماعندي شيء اقوله

نوره : بس انا بقول لك شيء

نواف بصوت منخفض : قولي

نوره : أحبك

نواف مبتسماً : وانا احبك يارووحي بس الليله بتجلسين معي شوي وبتنامين

نوره : لاماعليك اللي يسمع صوتك مايجيه النوم

نواف : ههههههههه الله لايحرمني منك

نوره : آمين

تستمر كلمات الحب والرومانسيه الىا ان يقطعها صمت مفاجئ لنوره

نواف : نوره

........

نواف : نووره حبيبتي وينك

.....

نواف : نوووره وش فيك ساكته

.....

نواف : نوره حرااام عليك خوفتيني عليك تكلمي

يتعالىا صوت نواف ونوره قد انهكها النعاس نائمه والسماعه ملقاه علىا وسادتها بجانب رأسها

دلال تدخل الغرفه لتدعوا نوره الىا مشاهدة فيلم هندي

تجد نوره نائمه ولا تسمع سوى صوت نواف الذي يخرج من السماعه

دلال وعلامات الدهشه علىا محياها تقترب ترفع السماعه

نواف : نوووووووووره الله يخليك تكلمي قولي شيء

دلال : من انت ؟؟؟؟؟
’’دلال تدخل الغرفه لتدعوا نوره الىا مشاهدة فيلم هندي

تجد نوره نائمه ولا تسمع سوىا صوت نواف الذي يخرج من السماعه

دلال وعلامات الدهشه علىا محياها تقترب ترفع السماعه

نواف : نوووووووووره الله يخليك تكلمي قولي شيء

دلال : من انت ؟؟؟؟؟ ’’

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ

الجــــــــزء الثالــــث ..

نواف لحظات من الدهشه وهو يسمع دلال تردد (( من انت ؟؟؟؟ )) (( من انت ؟؟؟؟ ))
(( من انت ؟؟؟؟ )) (( من انت ؟؟؟؟ ))

نواف غير مستوعب للذي حدث : نوره ؟؟

دلال : لااااااا من انت ؟؟

نواف يغلق الخط

طوط طوط طوط

دلال تنظر الىا نوره التي استيقظت مدهوشه : كلمييييه يلااا كلميه حرام تخلينه ينتظر

نوره : اكلم من ؟

دلال : خساره يانوره آخر شيء كنت اتوقعه والله لو انتي اللي قلتي لي ما أصدق ولا يمكن اصدق احد انا الحين مو مصدقه اللي اشوفه قدامي

ثم تقذف دلال السماعه بعيدا ً وتخرج من الغرفه والدموع قد أغرقت عيناها

نوره : دلال

دلال : بطلع خذي راحتك

نوره : دلال

دلال تغلق الباب خلفها

تجلس نوره علىا سريرها وتتصل علىا نواف

تررررررررررن ترررررررررن

نواف يفتح الخط ؟؟

نوره : نواف انا تورطت أختي عرفت اني اكلمك

نواف : وانتي ليش يوم اكلم ماتردين ؟؟

نوره : مو وقته يانواف .. الحين انا فقدت ثقة دلال فيني انا كنت قدوه لها نوووواف اللي انكسر معاد يتصلح انا مصدومه بنفسي

نواف : كله مني

نوره : لا يانواف انا الغبيه اللي حطيت نفسي بها لموقف طول عمري وانا بعين دلال انسانه مثاليه بكل شيء خلاص يانواف ماقدر اتكلم اكثر من كذا
.. نواف اتمنىا تذكرني بالخير .. مع السلامه

نواف يبقىا صامتا

نوره : مع السلاااااامه

طوط طوط طوط طوط

نوره تخرج من غرفتها متجهه الىا غرفة دلال

تدخل الغرفه

دلال متمدده علىا سريرها

نوره تجلس بجوارها علىا السرير

نوره : دلال حبيبتي انا آآسفه

دلال : ليش تتأسفين نوره انتي غلطتي بحق نفسك مو بحقي انا

نوره : خلاااااااااص والله معاد أكلمه أهم شيء اكون نوره اللي عرفتيها ماتتغير بعينك

دلال : لا خلاص صورة نوره الأولىا مسحتها

نوره بإبتسامة صفراء والدموع علىا وجنتيها : بترجع صدقيني يادلال

دلال : ما أعتقد يانوره حتىا لو معاد تكلمينه ماقدر انسىا الموقف اللي اليوم

تتجه نوره الىا باب الغرفه بخطوات بطيئه متهالكه ورأسها الىا الأسفل ولايسمع سوىا صوت شهقاتها المليئه بالحزن

دلال تنظر الىا نوره وقد حن قلبها نوعا ما ولكن كلما تتذكر ان أختها وقدوتها تكلم شخص غريب يعود الغضب يسيطر علىا شعورها اتجاه اختها

نوره تغلق الباب علىا نفسها

يأتي وقت الغداء دلال تطرق الباب

دلال : نوووره افتحي الباب

دلال : نووووووره بلااااكسل

دلال بعد ربع ساعه وهي تطرق الباب

تذهب لتخبر والدتها

دلال : يمه نوره مادري شفيها ماتفتح الباب ولا ترد علي

العنود (( والدتها )) : أكيد نايمه ماشبعت نوم اتركيها

دلال ؟: لا يمه نوره حتىا لو مانامت الا ساعه من اول ما اطق الباب ترد علي

العنود تبدأ تأخذ الأمر بجديه وتذهب مع دلال

العنود : نوووره افتحي وش فيك

نوره : بناااام اتركوني

دلال : افاااااااا نوره من اليوم اطق وانادي ماتردين علي الحين امي من اول مره

العنود : ههههههههه امك ثم امك

دلال : واختها ؟؟

نوره : قلت لكم مابي غداء اتركوني انام لو سمحتوا

العنود : نوره وش فيك معصبه أول مره اشوفك كذا حتىا يوم رسبتي بثاني ثانوي ماكنتي معصبه كذا

دلال : هههههههههههههههههههههه يمه لاتذكرينها اول رسوب وآخر رسوب بحياتها

نوره : دلال انتي قلتي اول رسوب وآخر رسوب حتىا اللي اليوم اول وآخر مره

العنود : اهاااا بينكم اسرار ؟‍! وانا امكم ماتعلموني

دلال : اسرار هي ليش سموها اسرار عشان تكون بين اثنين

نوره : بعد ان مسحت دموعها تفتح الباب وتنظر الىا دلال نظرة إبتسامه مخلوطه بالإعجاب

خلاص يمه روحي بنجيك انا ودلال

تذهب العنود وتترك نوره ودلال

نوره : تعاليا ادخلي

دلال : احمدي ربك ماعلمت امي كله عشان العيش والملح اللي بيننا

نوره : هههههههه احنا اخوات تقولين عيش وملح

دلال : طيب يا أختي العزيزه ابيك توعديني انك ماتكلمينه أبد

نوره : وعد مجنونه انا ارجع أكلمه

نوره تقول هذا الكلام وهي مقتنعه تماما انها لن تعود لتكرار غلطتها السابقه لن تكلم نواف

دلال : احلفي

نوره : انا وعدتك وتعرفيني ما أخلف وعدي

دلال : ويمكن وعدتيه بشيء ؟؟؟؟؟

نوره تسرح وتتذكر الحوار الذي دوار بينها وبين نواف

********************

نواف : لاتتركيني

نوره : وانت اوعدني ماتتركني

نواف : وعد.. وانتي بعد اوعديني

نوره : وعد

****************

أثنا سكوت نوره ونظرات دلال تدحرج دمعه من عين نوره تدرك من خلالها دلال
ان العلاقه ليست مكالمات فقط

دلال : وعدتيه صح ؟؟

نوره : ايه

دلال : ووعدتيني ؟؟

نوره وهي رافعة كتفيها : ايه

دلال : وشو الوعد اللي وعدتيه ؟؟

نوره : اني ماتركه

دلال : وانا وعدتيني انك تتركينه !! يعني بتخلفين وعدك لي والا وعدك له

نوره : خلاااااااااااااااااااااااص دلال وربي تعبت اتركيني بروحي .. لووو سمحتي

دلال : باتركك بس لو اعرف انك تكلمينه مره ثانيه صدقيني بقول لامي

نوره : دلال تهدديني ؟؟

دلال : عشاني أخاف عليك

نوره .........

دلال : نوره بخليك تكلمينه واكون راضيه عنك وما أقول لاحد

نوره : تتطنزين ؟؟

دلال : لااااااااا اتكلم جد والله اتكلم جد بخليك تكلمينه

نوره : شلون

دلال : بسسس بشرط
نوره : وربي أسود يوم بحياتي اليوم
نوره : وشو الشرط ؟؟

دلال : تخليني أكلمه الحين

نوره : وليييييييييييييييش ؟؟

دلال : اذا كلمته بتعرفين

نوره : دلال انتي جالسه تبتزيني الحين

دلال : صدقيني مابتندمين

نوره : شلون ماندم واختي تكلم حبيبي ؟؟

دلال : حبيبك ؟!

نوره : ايه حبيبي

دلال : زدتيني شوق اني اكلمه

نوره : شوق ؟؟؟؟؟؟؟؟؟؟

دلال : ماتلاحظين اني ماسألتك من متىا تكلمينه

نوره : غريبه فضولك هالمره ماشتعل

دلال : ابي اسألك بس بعد ما أكلمه

نوره : ماراح أخليك تكلمينه لين تقولين لي وش بتقولين له

دلال : وانا مابقول لك الا بعد ما أكلمه

نوره : خلاص انا مابخليك تكلمينه

دلال : وانا بعد مابخليك تكلمينه

ثم تخرج دلال من غرفة نوره وقبل ان تصل الباب تتوقف وتقول:- نوره لاتنسين انك وعدتيني ماتكلمينه ولاتنسين بعد انك لو كلمتيه بعلم امي

نوره : تعالي

دلال وهي رافعة رأسها : نعم

نوره : دلال اول مره اعرف انك نذله

دلال : اختك اللي تخاف عليك تقولين عليها نذله انا نذله صحيح لو تركتك تكلمينه علىا كيفك
نوره : طيب انتي تقولين بكلمه والحين تقولين نذله لو خليتك تكلمينه .. دلال انتي بتقولين له لاتكلم أختي صح ؟؟

دلال : لا والله وانا قلت لك ماراح تندمين

نوره بصوت يدعوا الىا الشفقه : طيب دلال حبيبتي الله يخليك قولي وش بتقولين

دلال بإصرار : مابي

نوره بعد تردد : طيب أخليك تكلمينه

دلال : هاتي تلفونك وروحي اجلسي بعيد عني

نوره : دلااااااااااااااال انتي كذا تخوفيني ... ليش تبيني اكون بعيد عنك

دلال : بس

نوره : وربي أحرقتي أعصابي

دلال : وانتي نشفتي دمي

نوره : وربي أسود يوم بحياتي اليوم

دلال وهي مبتسمه : ويمكن يكون أحلىا يوم

نوره : ما أظن .. وانتي شوي تطمنيني وشوي تخوفيني

دلال : هههههههههههههههههههههههههههههههههههه

نوره : اضحكي وش عليك

دلال : تحسديني على الضحكه

نوره : يووووووووووووووووووه وش بلاك معقده اليوم خلاص مابتكلم

دلال : بتخليني أكلمه والا لا ؟؟؟؟؟؟؟

نوره : طيب طيب طيب

دلال : طيب هاتي تلفونك

تسلم نوره هاتفها المحمول وتنظر الىا عيني دلال تريد انت تعرف ماذا تنوي أن تعمل
دلال تمسك التلفون وتقول : وين رقمه ؟؟

نوره : مسجل باسم احلام

دلال : هههههههههههههههههههههااي احلام .. احلام يعني فارس الأحلام احلىىىى

نوره : يادمك

دلال : يلااا ياشطوره روحي اجلسي علىا الكرسي

نوره : الشكوى لله بروح بروح

تأخذ نوره مكانها علىا الكرسى وأنظارها تتجه صوب أعين دلال وهي واضعه التلفون علىا أذنها تنتظر الرد

ثم تلتفت دلال بسرعه الى نوره وتقول : بسسسسسسسسسسسرعه قولي وش اسمه

نوره : نواف

تررررررررررن ترررررررررن

نواف الذي قد أنهكه التعب والإنتظار : هلا
دلال والعرق يتصبب من جبينها خجلا : السلام عليكم

نواف : من انتي ؟؟

دلال : انت نواف

نواف : ايه انا نواف !!!!

دلال : انا اخت نوره

نواف بصوت عالي وهو خائف : وين نووووووووووووووووره

دلال : نوره عندي الحين وتسمعني

نواف : ابي اسمعها نوره فيها شيء ؟؟؟؟؟؟؟؟

دلال : لا مافيها الا العافيه .. نوره قولي نعم خليه يسمعك

نوره : نعم

دلال : سمعت ؟؟

نواف : وليش ماتكلمني ؟؟

دلال : يمكن يمكن تكون كلمة (( نعم )) اللي قبل شوي آخر كلمه تسمعها من نوره
نواف : لييييييش وش فيها نوره فيها شيء ؟؟

دلال : اركد انت اركد مافيها الا العافيه ... بس عشان بقول لك كلام مهم الحين

نواف بحيره وترقب : سمي

دلال : انت تحب نوره ؟؟

نواف بلهفه : ايه

دلال : والحب وش هدفه ؟؟

نواف : الحب ماله أهداف

دلال : طيب وش نهايته ؟؟

نواف :انشاءالله ماينتهي

دلال : يعني بتستمرون علىا هالحال ؟؟

نواف : اذا الله كتب

دلال : وتعتقد اني بتتركم كذا بكيفكم ؟؟

نواف .......

دلال : جاوب

نواف وقد احمر وجهه قبل ان يتكلم يسمع نوره تقول : دلاااااااااال وش هالكلاااااااام هاتي التلفون لو سمحتي واطلعي من غرفتي

دلال : تطرديني يانوره ؟؟

تأخذ نوره التلفون من دلال

نواف : نوررررررررررره خليهااااااااااااااا تكمل لاتورطنا

نوره : من الصبااح جننتني ماعلي منها اللي تسويه تسويه

دلال : وهي تبكي هذي آخرتها يانوره تطرديني من غرفتك

نواف : نوره الله يخليك خليها تكلمني

نوره : ماشاءالله تبي تكلمها الحين انت سامع اللي يصير وتدافع عنها

دلال : تضحك والدموع قد أغرقت وجنتيها هههه مابي أحد يدافع عني بس انتي دافعي عن نفسك يانوره

نوره : رجعنا للتهديد ؟؟

نواف : نوره اذا تحبيني خليها تكلمني

نوره أحست بالخوف من ردة فعل دلال و سمعت كلام نواف ثم قالت : تعالي كلميه بس انا بطلع من الغرفه لاني ماقدر أتحمل اسمعك وانتي تكلمينه بالاسلوب ذا

دلال : خلاص مابي اكلمه انتي طردتيني من غرفتك

نوره بعصبيه : طيييييييييب ليش جالسه وانتي تقولين طردتك ؟؟

نواف : لاحووووووووول وبعدين معك نوره

دلال : علىا قلبك

نوره : يالله كلميه وخلصينا

ثم تضع نوره هاتفها علىا السرير

دلال تترك نوره حتىا تخرج من الغرفه

ثم تتجه الىا السرير وتحمل الهاتف

دلال : وش كنا نقول ؟؟

نواف : نسيت .. بس انتي ليش عصبيه كذا ؟؟

دلال : انا أخاف علىا اختي ؟

نواف : حتىا انا أخاف عليها

دلال : انا اخاف عليها منك .. وانت تخاف عليها من ؟؟؟

نواف : من كل شيء

دلال : مابينفعك خوفك عليها لأني مستحيل اخلي أختي بخطر

نواف : انا مصدر خطر ؟؟

دلال تصمت قليلا ثم تقووووووول : الزبده بقولها لك
"دلال : انا اخاف عليها منك .. وانت تخاف عليها من ؟؟؟
نواف : من كل شيء

دلال : مابينفعك خوفك عليها لأني مستحيل اخلي أختي بخطر

نواف : انا مصدر خطر ؟؟

دلال تصمت قليلا ثم تقووووووول : الزبده بقولها لك"

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ




آلجزء آلخآمس ,,
نواف في حيره وترقب من جديد : سمي

دلال : اذا تحب أختي تجي تخطبها ؟

نواف : شلون ؟؟

دلال : حب لعب مستحيل يصير لنوره ولايمكن أسمح ... تحب أختي تخطبها

نواف : انا احبها والله احبها

دلال : انا ما يهمني الكلام ابي اشوف افعال

نواف : طيب وش اسوي

دلال : انت رجال وتبي تخطب أكيد تعرف تتصرف

نواف : بس

دلال : لا بس ولا شيء اذا انت رجال صح وتحب نوره تسوي اللي قلت لك عليه .. وبسألك ممكن تجاوبني ؟؟

نواف : تفضلي

دلال : ترضىا أحد يلعب علىا خواتك والا وحده من قريباتك

نواف : طبعا لا .. بس انا ما العب عليها

دلال : واذا ماخطبتها ؟؟

نواف : بخطبها بس ماني عارف شلون ابدأ

دلال : هذي مسؤوليتك ..

نواف : الله يكتب اللي فيه الخير

دلال : والحين هذا رقمي ((*********)) اذا قررت ونويت تخطتبها تتصل فيني .. ولو أعرف انك اتصلت بنوره والله لاخرب عليكم كل شيء وهي اذا اتصلت عليك لاترد عليها ولا حتىا مسج

نواف : بتحرميني منها ؟؟

دلال : المدّه انت تحددها ممكن تنحرم شهر او اسبوع او اسبوعين بكيفك .. بس لو كلمتها والله العظيم معاد اخليك تكلمها لو علىا روحي
ولا حتىا ترد عليها ولااااااااا مسج

نواف : طيب انشاء الله

دلال بابتسامه : اكيد أخذت فكره عني اني معقده

نواف يجاملها ويقول : لا والله بالعكس نور تكلمت عنك ....

دلال تقاطعه قبل ان يكمل كلامه : المهم

نواف وهو يشعر بالحرج عندما قاطعت كلامه : سمي

دلال : اذا عندك شيء تبي تقوله الحين قول لأنك معاد بتكلمها

نواف : لا ابد سلامتك

دلال : مع السلااااامه

نواف : مع السلامه

طوط طوط طوط

تخرج دلال من غرفة نوره وهاتف نوره في يدها تذهب الىا غرفتها تجد نوره في إنتظارها

نوره صامته لاتريد ان تشعر دلال بفضولها لمعرفة مادار بينها وبين نواف

دلال : هااااااااااااااااي نوره

نوره ونظرات الاستغراب في عينيها : هلا

دلال : كيفك

نوره : الحمدلله

دلال ساخره : يرحمك الله

نوره : دلال ماتلاحظين اليوم دمك خفيف بزياده !!

دلال : عشاني مبسوطه

نوره : وشو اللي مخليك مبسوطه ؟؟

دلال : لا ولا شيء

نوره بعد ان وصل الفضول أعلىا مستوياته : كلمتيه ؟؟

دلال : لا جالسه اتسمع fm

نوره : وبعدييييييييين دلال ؟؟؟؟؟؟؟؟؟؟؟؟

تخرج نوره الىا ان تصل باب الغرفه ثم تعود قائله : هاتي جوالي

دلال : آآسفه

نوره : وشووووووووووووووووو ؟؟

دلال : الجوال بيبقىا معي لين بكره

نوره : وليش ؟؟

دلال : كذا مزاج

نوره : أقول هاتي الجوال

دلال : اذا بتاخذينه غصب عني شدي حيلك وخذيه

نوره : جوالي وباخذه

دلال : شلون بتاخذينه

نوره : يعني مابتعطيني ؟؟

دلال : بالطيب مابعطيك .. وبهواش امي بتسمع الهواش وبتجي وبتعرف السالفه

نوره : طيب انتي وش تبين فيه ؟؟

دلال : بخليه معي

نوره : هذي خصوصياتي

دلال : خصوصيات والا خايفه أخطف حبيبك منك ؟؟ بس ماعليك اذا حبيبك يحبك مثل ماتقولين مابيخونك .. واذا خانك معي معناته مايستحق الحب .. اللي يخونك معي وانتي تعرفين اكيد بيخونك مع اللي ماتعرفينهم صح ؟؟

نوره : انا واثقه فيه

دلال : وانتي واثقه فيني ؟؟

نوره : اكيد

دلال : خلاص حليناها .. انتي واثقه فيني يعني عادي تتركين الجوال

نوره : لين متى ؟؟

دلال : لين ارجعه لك

نوره : يادمك

دلال : هههههههههههه

نوره : طيب عن اذنك

تخرج نوره

تبقىا دلال هاتف نوره عندها حتىا الساعه الواحده ليلا ثم تتصل علىا نواف

تررررررررررن ترررررررررررن تررررررررررن تررررررررن تررررررن لم يتم الرد

ثم ترسل رساله اللى نواف

جوال نواف

الرسائل الوارده = 1

" نواف حبيبي انا نوره رد علي "

تعاود الإتصال مرة أخرىا

ترررررررن تررررررررررن

تررررررررررررررررن تررررررررررررررن لم يتم الرد

تبتسم دلال وتعرف ان نواف قد نجىا من الفخ

تنتظر قليلا ثم تذهب إلىا غرفة نوره لتجد نوره كالجثه الهامده علىا سريرها

دلال : هاااااااااي نواره

نوره : وش تبين ؟؟

دلال : حبيبتي نوره امووووووووه علىا راسك لاتزعلين

نوره : وش الحب اللي جاء فجأه ؟؟

دلال : نوره يلاااا عاد فكيها وابتسمي

نوره : مافيه شيء يخليني ابتسم

دلال : اشتقتي لنواف ؟؟

نوره عندما سمعت اسم نواف قالت بنبره مليئه بالشوق : نواف يااااااه تسأليني يادلال

دلال : وربي يانوره احس بالحب اللي بقلبك له وانا مابوقف عائق لكم بس بسوي اللي فيه مصلحتك
نوره : دلال قفلي على الموضوع

دلال : وش أكثر شيء أعجبك بنواف ؟؟
نوره : كل شيء
دلال : نوره شلون عرفتيه
نوره والدموع تتدحرج علىا خدها تباعا ً تبدأ وتحكي القصه من البدايه

دلال تقاطعها قائله : وربي تعاطفت معكم أكثر ... لحظه نوره شرايك الحين اسوي قهوه ونكمل السهره وتقولين لي كل شيء
نوره بابتسامه : طيب
تخرج دلال متجهة الىا المطبخ
نوره تفكر دلال وش غيرها ؟؟

تذهب نوره بسرعه الىا غرفة دلال وتنظر الىا هاتفها (( هاتف نوره )) تجد المكالمات الصادره
احلام : الساعه 1 و1 دقيقه ... الساعه 1 و 3 دقائق

نوره : يوووووووووووه اتصلت فيه وش تبي

تعود نوره بسرعه الىا غرفتها دون ان تحس دلال

نوره قائله لنفسها : تكلمه وش تبي فيه ؟؟

تدخل دلال وكوبين من القهوه الساخنه في يدها وقليلا من الدونات

دلال : تفضلي يا أحلىا نوره

نوره وهي مازالت لاتعرف معنىا للذي تشاهده أمامها : شكرا

دلال : كملي نوره وين وصلنا ايييييييه يوم أرسلتي له مسج تقولين تعرف عاصمة فنزويلا

نوره تكمل القصه
دلال وبعد ان وصلت الىا هدفها الذي هو ان تعرف شفره مشتركه بين نواف ونوره
تنتظر وهي تريد ان تنتهي نوره من سرد القصه

دلال : نوره حبيبتي بنام الحين بس بصراحه قصتكم مؤثره بديت اتعاطف معكم أكثر

نوره صامته وتقول في نفسها (( واااضح التعاطف ))

دلال : آآسفه قلبت مواجعك

نوره : اصلن هي مستمره مانتهت

دلال : يلااا تصبحين علىا خير

نوره : وانتي من اهله

تذهب دلال الىا غرفتها

نوره وبخطوات هادئه تتبعها وتقف خلف الباب تقول في نفسها (( اول مره اتجسس بحياتي بس هالمره السبب يستااهل اتجسس احسن من يوم ابقىا مغفله ))

دلال تمسك هاتف نوره وتتصل علىا جوال نواف

ترررررررررررررن ترررررررررررن ترررررررررررررررن لم يتم الرد

ثم ترسل اليه رساله

جوال نواف

الرسائل الوارده = 1

" تعرف عاصمة فنزويلا ؟؟ "

ثم تتصل بعد أقل من دقيقه

ترررررررررن ترررررررررررن

شخص مجهول يرد : هلا

دلال : ليش رديت وين وعدك

المجهول : اي وعد ترا انا مو نواف انا ولد عمه

دلال : وين نو اف ؟؟

نوره تفتح الباب وأعصابها قد انهارت

نوره : وين نوووووووووووووووواف يالحقيره ؟؟ وووين نووووووووواف وش تبين فيه ماعرفتي من بين هالعالم الا نووواف بتاخذينه مني

تسقط نوره مغشيا عليها أمام مسمع من ولد عم نواف دلال تحضن نوره وهي تبكي نووووووووووره الله يخليك ردي علي

دلال : نووووووووره ياقلبي ردي وافهمي القصه

نوره ساقطه علىا الأرض لاتتنفس عيناها مغمضتين

دلال تصرخ : نوووووووووووره ياقلبي ردي

نواف قادما من الخارج يقابله ابن عمه وهو يحمل الجوال والخط مفتوح ودلال تصرخ

نواف غير مدرك لما جرى : وش فيها نوره ؟؟

طلال (( ولد عم نواف )) : مادري اتصلت فيني وطاحت واختها تصيح عندها

نواف وهو في حاله تشبه الإنهيار : طيب من سمح لك تفتح الخط ؟؟

دلال لازالت تصرخ : ياويلي انا شدخلني اتصل

نواف : ياويلك يانووواف ياعذااابك يانواف نوره شفيها

تخرج دلال وتحضر كوب ماء وترشه علىا وجه نوره

نوره لم تستيقظ

نواف لازال يصرخ ويبكي : نوووووووووووووووره ردي ياحياتي ردي

دلال تغلق هاتفها وهاتف اختها وتستدعي امها

العنود وعبد الرحمن يدخلان الغرفه وبناتهم ((نوره)) ممدده علىا الأرض
و (( دلال )) تصرخ بأعلىا صووووووووت نووووره نووووووره

يتصل عبد الرحمن علىا الاسعاف

تنقل نوره الىا المستشفى وهي غائبه عن الوعي

دلال لايسمع منها الا البكاء لاتتكلم

في اليوم التالي تصحوا نوره وعندما فتحت عيناها وجدت والدها ووالدتها

سألتهم : انا شفيني ؟؟

عبد الرحمن : هذي مشكلة السهر وقلة الأكل

العنود : خلاص ثاني مره ناكلهم غصب وننومهم غصب

نوره بابتسامه تخبئ وراءها حزن عميق : ابشروا .. بس وين دلال

العنود : دلال تعبانه وبالبيت عندها خالتها

نوره : ليش وش فيها ؟؟

العنود : من لقيناها عندك تبكي وتصيح ماتكلمت ولا قالت شيء

نوره وقد اطمئنت انها لم تخبر اهلها بشئ : دلال خوافه أكثر من اللازم

تتصل العنود علىا دلال

تررررررررررن تررررررررررن

دلال : تفتح الخط ولاتتكلم

العنود : دلال نوره تبي تطمنك عليهاا

دلال........

نوره : دلوووو حبيبتي لاتخافين علي انا مافيني شيء

دلال ونظراتها تتجه الىا خالتها التي بجوارها : حمدلله علىا سلامتك .. متىا بترجعين للبيت ؟؟

نوره : الحين بطلع

العنود : لا مو الحين بعد مايكتبوا لك خروج

دلال : بجييييييييك الحين

تدخل بعد نصف ساعه دلال الىا الغرفه رقم 317 حيث ترقد ضحيتها وشقيقتها

دلال تقف علىا الباب بدمعه وابتسامه ثم تتقدم بخطوات الندم باتجاه نوره
تعانقها وتبكيان في مشهد من مشاهد الترابط الأخوي

دلال : حمدلله علىا سلامتك ياقمر البيت

نوره مبتسمه : لا الحين انا قمر المستشفى اذا صرت بالبيت قولي قمر البيت

ضحكه جماعيه من العائله التي لم يخرجوا من المستشفى الا الساعه الثامنه مساءً وبرفقتهم نوره التي لم تتذكر من الاحداث سوى انها ودعت اختها عندما قالت : ((( تصبحين علىا خير نوره )))

تدخل دلال ونوره الىا غرفة نوره

نوره : دلال وبدون لف ودوران ابيك تقولين وش اللي صار

دلال وقد ادركت ان نوره لاتتذكر ماحدث بالضبط في الليله المشؤومه : وش آخر شيء تذكرينه ؟؟

نوره : يوم قلتي تصبحين علىا خير

دلال تكذب علىا نوره خوفا علىا صحتها وفي نيتها انها سوف تعترف لها مستقبلا ً : اجل مانسيتي شيء بس طلعت ورجعت لقيتك لاحركه ولا نفس

نوره : ممكن تعطيني جوالي

دلال : ابشري ثواني اجيبه
تحضر دلال هاتف نوره

نوره : دلال ممكن تتركيني بروحي

دلال : طيب

تخرج دلال من الغرفه

نوره تتصل علىا نواف

ترررررررررن ترررررررررررن

نواف : نوره ؟

نوره : نواف حبيبي وحشتني

نواف : نوره حبيبتي ترى مو انا اللي رديت على دلال
كلمات نواف جعلت نوره تتذكر جميع ماحدث في هذه اللحظه ويتحول سكونها الى بركان : انت يالخاااااااااين تخونني مع اختي
طوط طوط طوط

تخرج مسرعة الىا غرفة دلال

نوره : دلاااااااااال

دلال : وش فيك نوره ؟؟

نوره : يالحقييييييييييييييره ليش تكلمينه بتاخذينه مني ؟؟

دلال : هدي عشان اقول لك

نوره تقترب مسرعه من دلال
دلال تجلس بعد ان كانت مستلقيه علىا سريرها
نوره تقف أمامها ويديها حول خصرها

نوره : ابي اعرف هو وش قال لك ؟؟؟ وش اللي خلاه يتركني ويكلمك ؟؟

دلال : نوره الله يخليك اهدي واسمعي

نوره: وش اسمع يادلال وش اسمع

دلال : الله يخليك خليني أتكلم للنهايه وانتي احكمي

نوره في لحظة ضعف واستسلام ودموع : بس أول احلفي ماتخبين عني شيء

دلال : والله ماخبي عنك شيء انا ماكذب عليك يانوره

نوره : واضح نسيتي انك اليوم كاذبه علي تقولين ((اجل مانسيتي شيء بس طلعت ورجعت لقيتك لاحركه ولا نفس )) ليش ماعترفتي يادلال انك انتي السبب

دلال : والله العظيم كنت بقول لك بس عشان اليوم صحتك تعبانه قلت بقول لك بعدين

نوره : بعدين متىا ؟؟ المهم يلاه قولي

دلال : انا قلت له لاتكلم نوره ولا ترد عليها واخذت جوالك عشان بختبره دخلتي انتي وانا ادق عليه رد علي واحد مو نواف سألت وين نواف انتي سمعتيني اقول كذا دخلتي وانتي معصبه

نوره : تختبرينه ؟؟ العبي غيرها

دلال : والله ماكذب عليك اسأليه ؟؟

نوره : انتي متفقه معه .. بس بسأله واشوف واذا انتم كذابين مصيري أعرف الحقيقه

تتصل نوره علىا جوال نواف

ترررررررررن ترررررررررررن تررررررررررررن تررررررررررن تررررررررررررن لم يتم الرد

نوره : مايرد .. طيب انتي ليش ماتبينه يكلمني ولايرد علي ؟؟

دلال : قلت له اذا تحب اختي تجي تخطبها حب كذا ماعندنا

نوره : ومن قال لك اني بوافق عليه

دلال : مو انتي تحبينه ؟؟

نوره ............

دلال : ليش ساكته

نوره : عندي طريقه بعرف منها كل شيء

دلال : وش هي الطريقه ؟؟

نوره : هاتي جوالك وانا اقول لك ؟؟

دلال : ليش ؟

نوره

نوره : كنت مجنونه

دلال : وبتبقين مجنونه اذا استمريتي عايشه بوهم .. امه ليش قالت له ابي اخطب لك من قرايبنا والا جيراننا ؟؟ اكيد عشانها ماتبيك حتىا لو كان يبيك بيأثرون عليه وانا أعتقد انه مايبيك

يقطع جدالهما اتصال من نواف

تررررررن تررررررن

نوره : نواف بقول لك شيء بس لاتزعل

نواف : اول شيء السلام عليكم

نوره : نواف انا مابيك تكلم امك عن خطوبه ولا شيء خلاص خلها تخطب لك اللي تبيها لك

نواف : هذي حياتي

نوره : وحياتي بعد معك 00 وماترضى اني أعيش بجحيم كل شوي هواش ومشاكل مع اهلك

نواف : لحظه حبيبتي معي خط اخوي يتصل

سعود يتصل بنواف (( سعود الشقيق الأكبر لنواف رجل أربعيني حليم ولكنه قوي الشخصيه ويعتبر هو رجل العائله الأول بعد وفاة والده له من الابناء ولدين وبنت ))

تررررررن ترررررررررن

نواف : هلا سعود

سعود : السلام عليكم

نواف : وعليكم السلام

سعود : كيف حالك نواف

نواف : الحمدلله تمام انت كيفك

سعود :الحمد لله سمعت من امي كلام ابي اسمعه منك

نواف : وشو الكلام

سعود :انك بتتزوج وحده بينك وبينها علاقه ؟

نواف : ايه صح واحبها ومابي غيرها

سعود : نواف انت تحلم .. متأثر بالافلام انت هذي حياه زوجيه ماهي لعب وحده امس تغازلها واليوم بتتزوجها اللي تكلمك يابو الشباب بتكلم غيرك الزواج بالعلاقات اللي كذا نهايته فاشل

نواف : انت تعرفها الحين يوم تحكم ؟

سعود : يا خوووي هذا شيء واضح ومعروف وبعدين وحده زي هذي ماتصلح

نواف : انا احبها

سعود : بس محد من العائله بيرضىا هالشيء

نواف : هذي حياتي انا

سعود: هي حياتك انت بس عيالك اللي بتخلفهم يحملون اسم ابونا واسم العائله ولا احد بيرضىا ان وحده مثل هذي تربي عيالك اللي بيحملون اسم عائلتنا

نواف والغضب قد وصل عنده الىا أعلى مستوياته : سعود انا شايفك جالس تهزئ حبيبتي من اليوم

سعود : وهذا اولها يانواف ترفع صوتك عليه عشان بنت

نواف : انت ماترضىا احد يقول عن بنتك هالكلام

سعود : تخسىا الله يعز بنتي عن هذي الاشكال

نواف : انا الغلطان اللي اتكلم معك للحين

سعود : ماعليه اصلن معاد بيصير بيننا تلفون

نواف : يكون أفضل

سعود : لأني بجيبك انقلك لجده تجي تعيش قدام عيني انت مانت رجال انت بزر يلعبون عليك بنات اول كنا نحسبك رجال وانت يبيلك متابعه مثل البزران

نواف : مابنقل وبسوي الشيء اللي ابيه اصلن مايهمني رايك

سعود : نواف انسىا انك تتزوجها صدقني انسىا بس امي لاتتعبها زياده والله يانواف ماتخذها وانا حي

نواف : ايه ماباخذها وانت حي لانك انشاءالله باذن الله ماتقوم من مكانك مثل ماظلمتني وظلمت الانسانه اللي حبتني واخلصت لي

سعود : ياشيييييييييييخ اي حب تتكلم عنه تحب زوجتك .. حب قبل الزواج مافي كله لعب ... نواف اصحىا اصحىا ترىا وانا اخوك تحلم

نواف : وانا اخوك .. غريبه ذكرت اني اخوك

سعود : انا اعتقد الكلام معك مامنه فايده نواف معاد بتشوف غير أفعال

نواف : سو اللي تقدر عليه مافي شيء يجي بالغصب

سعود : حركه بسيطه اسويها والله ماتقدر تتزوجها لو تموت

نواف : وش الحركه؟؟؟
سعود : أكلم ابو البنت اقول له كلنا مانرضىا ان نواف يتزوج بنتك

نواف : ماتقدر لأني خلاص باقطع علاقتي فيكم ومعاد برد علىا أحد خلاص بعيش حياتي ما لأحد شغل فيني

سعود: محد بيزوجك بدون مايعرفون أهلك .. وثاني شيء بجيك الرياض وابنقلك جده ياكثر الواسطات معارفي بالاتصالات كثير ومناصب عاليه

نواف : محد يقدر ينقلني بدون طلب مني

سعود : نشوف يانواف

نواف : معاد برد علىا أحد ولا لي علاقه فيكم


طوط طوط طوط

نوره التي كانت تتصل بنواف أثناء مكالمته مع شقيقه تتصل الآن

ترررررن ترررررررررن

نواف بصوته المتكسر : هلا حبيبتي

نوره : كيفك حبيبي وش فيه صوتك

نواف : اخوي يقول ليش ماتتزوج من قرايبنا

نوره : يعني نفس كلام امك

دلال جالسه وتريد التدخل ولكن تقول في نفسها (( اصبر واشوف للنهايه ))

نواف يغالط نفسه قائلا ً: بس هذي حياتي يابعد عمري ومصيرهم يقتنعون انا متفائل

نوره : مو واضح التفاؤل من صوتك

نواف : يالله حبيبتي بسكر الحين بارتاح شوي

نوره :الله معك نواف بس لاتزعل أهلك عشاني ترىا ما أستاهل اللي تسويه عشاني

دلال تنظر الىا نوره نظرات غضب وتقول : الا تستاهلين أكثر يانوره

نواف : هذي دلال ؟

نوره : ايه في غيرها ملقوفه

نواف مبتسما ً : سلميلي عليها

نوره تحرك فمها يمين ويسار ثم تقول : انشاء الله

نواف : وهي صادقه دلال انتي تستاهلين التضحيه حبيبتي نوره لو العالم كله يوقف قدامي صدقيني ماتخلىا عنك انا احبك تعرفين اش معنى احبك؟!

نوره : وانا بعد احبك
نواف : يالله حبيبتي مع السلامه

نوره بسرعه : نواف

نواف : عيونه

نوره وهي مبتسمه وبصوت منخفض مليئ بالحنان : احبك

نواف : ايه كذا ترفعين معنوياتي واحس اني أقوى انسان


نوره : انت اقوى انسان

نواف : ياحياتي انتي

نوره : ياروحي انت

نواف : مع السلامه

نوره : مع السلامه

طوط طوط طوط

دلال : ياحبكم للكلام الفاضي

نوره : اي كلام

دلال : احبك وش ذا الكلام الحين وقته

نوره : انت اشعرفك

دلال : اقول انتي مقطعك الحب ومانتي عارفه مستقبلك

نوره : نواف مستقبلي

دلال : الله يشفيك

نوره : انا ماني مريضه

دلال : انا ماني ضد الحب بس اذا زاد عن حدوده وأعمىا الانسان عن مستقبله وحياته يصير مرض

نوره : وانتي تبيني أعيش علىا مزاجك

دلال : لا ياحبيبتي يانوره انا اشوف اللي الحب مو مخليك تشوفينه هذا مو معناه اني أعقل منك بالعكس انتي قدوتي بالحياه وانا أتعلم منك كل شيء

نوره : يعني شلون ؟؟

دلال : انتي تحبين بقلبك بس الحب لازم يكون بالعقل قبل القلب

نوره انا احبه بعقلي واشوف ان مافي احد بالدنيا افضل من نواف ؟

دلال : نوره انا عندي إقتراح مجنون


نوره : وشوووووووووووووو

دلال : تقولين له انا انخطبت

نوره : تبيني اكذب عليه ؟؟

دلال : كذبه فيها مصلحتك

نوره : طيب وش الفايده

دلال : عشان تخلينه يغار ويتحمس ويسوي المستحيل عشان يقنع اهله اذا هو صادق انهم رافضين

نوره : انتي مو تقولين يلعب ؟؟

دلال : حتىا لو يكون يلعب بيخاف انك تختفين من حياته فجأه.. بيتقدم لك عشان تبقين معه مو عشان تتزوجينه

نوره : دلال انتي مجنونه تبينه يتزوجني وهو مو مقتنع فيني


دلال : اذا خطبك بيصير شيء مفروض عليه بيقتنع غصب

نوره : دلال انتي صاحيه ؟؟ اذا مو حبه اللي خلاه يخطبني عن قناعه مابيه

دلال : الحب بروحه مابيخليه يخطبك صدقيني يانوره دامه يكلمك كل يوم ومستانس معك مايهمه بس اذا خاف انك تبعدين عنه بيسوي المستحيل عشان ماتبعدين

نوره : انا مابضغط عليه واندم حتىا مابيه يخطبني الا برضىا اهله كلهم

دلال : بس لاتقولين له بالبدايه كذا نبي نشوف جدّيته

نوره : نشوف دلال ماتلاحظين انك مشاركتني بكل شيء

دلال : عشاني اشوف اللي ماتشوفينه قلت لك قبل هالكلام

نوره : بس هذي حياتي

دلال : مو انتي دايم تقولين ياحياتي يادلال خلاص انا حياتك وهذي حياتك يعني انا وحياتك واحد

نوره تستفز دلال : لا الحين نواف حياتي

تضحكان جميعا ويستمر النقاش بينهما بهدوء

في اليوم التالي تجتمع عائلة نواف في منزل والدتهم جميع الأخوه والأخوات مجتمعون للتشاور في قضية نواف
ترتيبهم من الأكبر

**الأخ الأكبر سعود: متزوج له ثلاثة أبناء ولدين وبنت أسمر نوعا ما متوسط الطول عريض الجسم حليم ولكنه قوي الشخصيه ويعتبر هو رجل العائله الأول بعد وفاة والده

**ليلى.. وهي ام لثلاثة أبناء جميعهم أولاد طيبه وحنونه ورأيها لايؤثر أي تأثير بالعائله.. الى انها محبوبه من الجميع لطيبة قلبها ويعتبرونها امهم الثانيه

**مها .. متزوجه منذ خمس سنوات لم تنجب حتىا الآن شخصيتها قويه وهي تعتبر المرأه الحديديه بالعائله طويلة القامه جسمها متوسط بيضاء البشره متوسطة الجمال شعرها اسود وطويل حاصله علىا الماجستير باللغه الإنجليزيه وتعمل معلمه

** سلمان .. متزوج ايضا وله ولد وبنت طويل القامه ايضاً وابيض وأصلع يتميز بشاربه الكثيف الذي يغطي علىا شفته العليا عنيد وحاد المزاج مثقف ويقضي أكثر وقته في القراءه يعمل في الخطوط الجويه تلقىا تعليمه الجامعي في أمريكا حياته خارج المملكه اكسبته نظره مختلفه للحياة

** يوسف .. متزوج قبل سنتين له ولد واحد يعيش مع زوجته حياه هادئه قصير القامه عريض الجسم قليل الكلام ولا يحب ان يقحم نفسه في المجادلات

** نواف

** ماجد..اعزب يدرس في جامعة الملك عبد العزيز بجده ويعتبر الأخ والصديق لنواف يشبه نواف كثيرا في ملامحه وفي شخصيته الى انه متهور نوعا ما تلقىا أكبر صدمه له عندما انتقل نواف للعمل في الرياض

** أحمد .. أصغر أفراد العائله يدرس في الصف الثالث الثانوي وسيم ومرح يحب الضحك وهو دلوع العائله ولايشاركهم الحديث كثيرا الا اذا كان فيما يخص الرياضه

تتوسطهم والدتهم مريم

عند إكتمال أفراد العائله

يبدأ سعود بالحديث قائلا : شفتوا أخوكم نواف وش سوىا

سلمان ومها : وش سوىا

سعود: متعرف علىا وحده بالرياض مادري وش بينه وبينها والحين يبي يتزوجها

سلمان : طيب وين المشكله ؟؟

مها : وشوووووووووووووووووووووووو ؟ سلمان انت تقول وين المشكله

سلمان : ايه هذي حياته هو حر فيها اذا طلعت البنت من عائله تمام ومتربيه وش المانع

سعود : هو كلمك قال لك شيء ؟؟

سلمان : والله توني أسمع منك حتىا يوم قلتوا اليوم الغداء عند أمي جيت ماني متوقع انكم بتتشاورون بموضوع مثل هذا..

سعود : عرفنا انه ماكلمك طيب وش فيك كذا من البدايه وانت ماسمعت شيء أعطيت رأيك

سلمان : الرأي الاول والأخير لنواف صاحب الشأن

مها : اقول سلمان دام هذا كلامك الله يخلف علىا عيالك

مريم : ياعيالي انتم جايين تهاوشون هو انتم ماتجتمعون كلكم عندي الا بالعيد جايين تهاوشون ؟‍!

سعود : يا أمي انتي وش رأيك

مريم : مابغاه يتزوجها بس انتم لاتزعلونه حاولوا ترضونه بالطيب

سلمان : ليش تتدخلون بحياته ؟؟

سعود : سلمان انت ماتحترم أمي ؟؟

سلمان : انا ما قلت لأمي شيء يزعلها بس هذا موضوع يخص انسان ماهو جالس معنا الحين ليش كل واحد يفتي علىا كيفه

سعود : نواف بزر مجنون مايعرف مصلحة نفسه

ماجد : سعوووووود.. نواف غايب لاتقول عنه بزر

سعود : تعال عطني كف .. ههه والله حاله بنسكت احنا والبزارين يتكلمون

سلمان : طيب ليش جامعنا وانت ما تبي البزران يتكلمون وبعدين ماجد رجال ومتعلم وماغلط عليك الحين بالعكس انتقد شيء خطأفيك انك تغتاب انسان غايب

سعود : انت يا سلمان مايهمك بس والله لو ولدك اللي بيتزوج وحده كذا ماترضىا انت من متىا تهتم بأخوانك

مها : صادق سعود سلمان انت من متىا تدري عن نواف والا عن مشاكله ؟؟ بس جاي الحين تدافع عنه ... نواف مثل ما أبوي وامي ربوه حتىا انا ربيته ماكان يهتم له بدراسته ومذاكرته الا انا ولا بخليه يضيع كذا

سلمان : وحطيتوه بيضيع ليش اخونا مدمن مخدرات وانا مادري ؟

مها : أقسم بالله محد يحب نواف كثر ما أحبه انا واني اكثر وحده محترق قلبي علىا اخوي وانت ياسلمان والله ماهمك نواف عشان كذا تقول الكلام هذا

ماجد : واضح الحب

سعود : ماجد احترم اختك اللي اكبر منك وتكلم معها زين

ماجد : انا ماقلت لها شيء

ليلى : الحين انتم وش بتقررون

أحمد : صح النوم يا أختي الكبيره هههههههههههههههه

الجميع يضحك ولا يقطع ضحكهم سوىا اتصال من سلمان وهو يقول : الووووووو نواف

نواف : هلا سلمان

سلمان : وش فيك زعلان ترى ماسويت لك شيء انا ههههههه اسمع ياخويه انا بجيك الرياض وماعليك لاتشيل هم بنشوف اذا طلعوا الناس اصل وفصل واخلاقهم زينه لاتشيل هم وانا اخوك

سعودبصوت عالي يريد ان يسمعه نواف : والله مايفرح بها

سلمان : نواف اكلمك بعدين فمان الله

نواف : مع السلامه

طوط طوط طوط

سلمان : هي عناد الحين يوم تقول والله ماتفرح بها ؟؟

سعود: وانت ليش متصل فيه وحنا ماقررنا شيء مجتمعين عشان نتناقش وانت تتصل فيه وتأيده علىا خطاه

ماجد : وانا بعد بتصل فيه واشجعه وبوقف معه للنهايه ..

أحمد : حتىا ليلى أكيد بتكلمه تسأله عن الجو بالرياض

الجميع يضحك

يوسف يتكلم اول مره : والحل ترىا زوجتي ماعندها احد بالبيت تبون مني شيء الحين عموما اللي تقررونه انا معكم

سعود :انا مابغير رأيي

سلمان: هذي حياة نواف وقرارك فيها مابيغير شيء

مها : الا بيغير وصدقني ياسلمان بخليكم تتعبون انت ونواف وبخرب عليكم بالنهايه دامني ماقتنعت احسن لكم لا تتعبون انفسكم

سعود: وانا بعد عندي اكثر من اسلوب بس انا مابزعل امي

سلمان : ها وش رأيك يا أمي

مريم : انا الحين رأيي انكم تتصالحون

سلمان يضحك : واحنا ماتهاوشنا هذا نقاش بيننا بس انتي تعرفين يا أمي العرب كذا يتناقشون

أحمد: الإتجاه المعاكس ببيتنا اليوم

سلمان: وليلىا وش رأيها

ليلىا : نشوف البنت واهلها ونقرر

سعود : ليلىا ترضين ان اخونا يطيح الطيحه هذي

سلمان : سعود انت محد معك برايك لانه تدخل بحياة انسان وكل اللي جالسين الحين اتحدىا احد منهم يرضى انك تتدخل بحياته

مها : ان ارضىا اخوي الكبير اذا بيتدخل عادي

ماجد قاصدا ً إغاضة مها : سلمان وين نسوي عرس نواف

سلمان: والله مادري الرأي راي نواف

سعود : والله ياماجد طلع لك صوت اقول روح ذاكر دروسك احسن لك

ماجد : انت تبينا كذا دايم بدون صوت والصوت لك انت وبس ..

سعود : لاتطول لسانك ياورع

ماجد : انا ماطول لساني انا اقول رأيي

ينهض سعود بسرعه ويتجه جهة ماجد

ليلىا الأخت الكبيره تقوم وتعترض سعود وهي تبكي : سعود عشاني لاتسوي له شيء

سلمان بعصبيه وصوت عالي يسمعه الجيران : الولد لاتمد ايدك عليه لو ابوي الله يرحمه فيه والله ماتتجرأ تحاول تسويها

الجميع ينظر لسعود بنظره سلبيه بعد كلام سلمان المؤثر ماعدا مها التي لازالت تؤيد

مريم تبكي : خلاص خلاص بقول كلمه اذا تحبون امكم لاتردونها

جميع الابناء ينظرون بإتجاه والدتهم

في هذه الاثناء حدث مالم يكن في الحسبان

دخل عبدالرحمن غرفة نورة وقبل يدخل سمعها تكلم بالجوال وأختها دلال تضحك

أخذ الجوال بعد ماعرف أن نورة تكلم واحد

عبد الرحمن بشده : اسممممممممممع بتبعد عن بنتي والا والله لاضيع مستقبلك

سلمان يلاحظ الإرتباك علىا ملامح نواف وياخذ هاتفه

سلمان بصوته الواثق : السلام عليكم

عبد الرحمن : من انت الثاني؟؟

سلمان : انا اخوه الكبير وبمكان ابوه

عبد الرحمن : وعليكم السلام ايه لقيت رجال الحين أعرف اتفاهم

سلمان يلتفت لنواف ويغمز بعينه ثم يقول : معك سلمان الحمد

عبد الرحمن : ونعم والله

سلمان : ماعليك زود .. ماعرفتنا علىا اسمك

عبد الرحمن : معك عبد الرحمن الصالح

سلمان : ونعم والله ممكن تعطيني رقم جوالك عشان نحدد مكان نتقابل فيه انا وانت وانشاءالله مايصير الا اللي يرضينا ويرضيك

عبد الرحمن : وهذا جوالي ((00000000))

سلمان : خلاص انشاءالله اكلمك بعد العصر

عبد الرحمن وقد هدأت أعصابه نسبياً : علىا خير انشاءالله

سلمان : مع السلامه

عبد الرحمن : مع السلامه

طوط طوط طوط
سلمان مبتسماً ينظر الىا نواف قائلاً : الرجال شكله طيب بس معه حق يهزأك تحمل وانا اخوك

نواف : هههههههه ايه هزأني ولو أعطيته فرصه بيزيد

ماجد : يئطع الحب شو بيزل

ضحكه من الاخوه يستمر بينهم الحديث الىا الساعه الخامسه عصراً

سلمان يتصل علىا عبد الرحمن.. يحددان موعد للقاء بينهم في مكتب عبد الرحمن

سلمان قادما ً قدوم الواثق : السلام عليكم

عبد الرحمن : وعليكم السلام تفضل

سلمان يجلس بعد المصافحه ثم يبدأ بالحديث : تشرفت بمعرفتك ولو اني أتمنىا اني جيتك بمناسبه غير هذي

عبد الرحمن : حياك الله

سلمان : انا والله محرج منك لآخر حد من اللي سواه اخوي

عبد الرحمن يهز رأسه دون ان يعلق

سلمان : طيش شباب الله يهديهم

عبد الرحمن : الجميع

سلمان : واللي حصل هذا مايدل ان أخلاقه او أخلاق البنت سيئه لأنها تحصل كثير والواجب علينا احنا الكبار اننا نوجههم توجيه صحيح

عبد الرحمن ......

سلمان : انت لو تعرف اخوي أكثر بتحبه بس عاد اللي سواه شيء ماينغفر له عليه .. انا ماسكت له علىا اللي سواه لأن ذولا بنات ناس ومحد يرضىا مثل هالعلاقات للبنات .. بس دام الشيء ذا حصل وصار واقع مفروض علينا لازم نتعامل معه بواقعيه

عبد الرحمن : شلون بواقعيه

سلمان : انت لازم تتعرف علىا اخوي وتتابعه بعمله وبكل تحركاته ولاتبين له انك ابو البنت اللي يحبها .. واذا أعجبك وشفت انه يستاهل بنتك وش المانع ؟؟

عبد الرحمن : ابيه يبعد عن بنتي وبس

سلمان بدهاء : انا كنت ابيه يبعد بس يوم قابلتك وجلست معك تغيرت نظرتي

عبد الرحمن : وليش تغيرت نظرتك

سلمان : باين عليك رجال طيب ويشرفنا والله نناسبكم والانسان العاقل يفتخر بمعرفة الطيبين شرواك

عبد الرحمن يريد ان يغلق الطريق امام سلمان : شرواك الطيب بس مالنا الا دقايق من جلسنا مع بعض

سلمان : انا لي نظره ماتخيب بالإنسان اللي قدامي

عبد الرحمن ينظر الىا ساعته ويستمر في الصمت

سلمان : يالله استأذنك وهذي الورقه مكتوب فيها عنوان سكن نواف ومقر عمله وانت تابعه وشوف اذا والله لقيت فيه الشخص المناسب لبنتك انتظر منك اتصال واذا ماعجبك .. هذا الشئ قسمه ونصيب

عبد الرحمن يأخذ الورقه ويصافح سلمان ويخرج معه الىا باب المكتب

سلمان يعود الىا حيث يقيم نواف

يمر شهر
.
.
.
.
هاتف نوره وهاتف دلال لازال مع عبد الرحمن

نواف الذي قد وصل به الشوق لمحبوته حد لايستطيع تحمله يطلب إجازه اسبوعين ليقضيها في عروس البحر الأحمر جده

نوره وقد ساءت حالتها بسبب نظرة والديها لها وبعد نواف عنها قضت شهر من أطول الأشهر في حياتها

نواف في أول أيام الإجازه يتجه الىا مطار الملك خالد الدولي

نواف في الطائره

تقلع الطائره ونواف ينظر الىا المقعد الذي بجواره ويتذكر ذلك اليوم الذي التقىا فيه نوره لأول مره

يمسك المنديل ليمسح الدموع المتدفقه من عينيه

لحظات لا تنسىا في عمر نواف

نوره الآن غائبه وصوتها غائب

دموع نواف لازالت تذرف .. الحزن والشوق ولحظات قاسيه يعيشها نواف علىا متن الطائره

تهبط الطائره ويغادرها جميع الركاب الا هذا العاشق الذي قد أغمض عيناه وهو يستعيد ذكرىا أول أيامه مع نوره

يتقدم المضيف بإتجاه نواف ليرى تلك العيون التي لم تجف منها الدموع

المضيف : لو سمحت اخوي

نواف يتسيقظ من حلمه ثم يتجه الىا مخرج الطائره بخطوات متهالكه

كان في إستقبال نواف كلاً من .. سلمان & ماجد & أحمد

استقبال حار يذهب بعده نواف بصحبة اخوته الىا والدته

نواف يرتمي في حضن والدته التي إستقبلته إستقبال بارد

نواف : وحشتيني يا أمي

مريم : وانت أكثر

نواف : يا أمي الله يخليك سامحيني

مريم : انا ما أزعل منك يانواف

لحظات دافئه يقضيها نواف في حضن أمه كالطفل الصغير

وبعدمرور يومين

سلمان يدخل بيت والدته مسرعاً : وين نواف ؟؟

مريم : نايم

يدخل سلمان الىا غرفة نوم نواف

سلمان : إصحىا يانواف هذي أحلىا مره تصحىا فيها من نومك

نواف وقد فتح واحده من عيناه : هلا سلمان

سلمان : كلمني نسيبك

نواف : نسيبي ؟؟
ايوه ابو نوره اللي تحبها يقول انه موافق يزوجك بنته

نواف : اقول خلني انام واحلم احسن من احلامك اللي مافي أمل اصدقها الرجال يقول لو مايبقىا علىا الارض غيرك مازوجتك

سلمان : نواف انا ما أكذب

وأثناء هذا الحديث جوال نواف يرن

رقم نوره

تررررررن ترررررررررن

نواف يفتخ الخط ولايتكلم

نوره : نواف ؟؟

نواف : يبكي ولايستطيع الحديث

نوره تبكي وبصوت قد أغرقته الدموع : نواف حبيبي وحشتني

نواف بصوته المتقطع من البكاء : وحشتيني ياحياتي وحشيني

سلمان واقفاً مبتسماً وهاهي دمعه تتخلل أهدابه يمسحها بإصبعه السبابه ثم يخرج من الغرفه

نوره : نواف تبكي ؟؟

نواف : نوره كنت احسب انك نسيتيني

نوره : مانسيتك يا أغلىا من نوره

نواف : والله خلاص فقدت الأمل احاول أعيش ماقدرت اعيش

نوره : حياتي من دونك مهيب حياه

نواف : ياحياتي انتي وحشني صوتك وحشتني كلماتك عسىا الله لايحرمني منك

نوره تغني وتبكي :
ياللي شفت أحلامي فيه
والتقيت بأحلىا جنه
ادعوا ربي وارتجيه
ربي لاتحرمني منه

نواف بدموع وابتسامه: الله تذكرين يوم سمعتك هذي الأغنيه

نوره : انا اقدر انسىا ؟؟

نواف : احبك

نوره : احبك

ماجد يدخل الغرفه مسرعا يقبل نواف : مبروك ياعريس مبروك ياخويا واخيرا بس انا كنت واثق انك بتوصل للي تبيه

نواف : تسلم ماجد

ماجد : هههههههه تكلمها طيب فهمنا خذ راحتك

نوره : يباركولك ؟؟ كيف عرفوا ان ابوي وافق ؟؟

نواف : كلم اخوي اليوم

نوره : وليش ماقلتلي ؟؟

نواف : توه الحين قال لي ومن كلمتيني والله يانوره نسيت كل شيء حتىا اسمي

ثم يبتسم قائلا : من انا ؟؟

نوره : انت روح نوره

نواف : ياروح نواف انتي وقلبه وحياته

نوره : نواف

نواف : عيونه

نوره : احبك

نواف : وشوو

نوره : احبك

نواف : وشو

نوره ههههههههه

نواف ههههههههه

لحظات رومانسيه يقطعها دخول أحمد

أحمد يتقدم ويعانق نواف ثم يقول : مبرووك يانواف انا فرحت لك كثير عشان تاخذني معك شهر العسل

نواف : هههههههههههههههههههههههههههههههههه طيب انتظرني

أحمد : لي يومين ماشفتك تضحك

نواف : الحين شفتني ؟؟

أحمد : ايوه

نواف : طيب لو سمحت توكل....

يخرج أحمد

نواف : نوره يابعد روحي وربي ماني مصدق انا لاكون احلم

نوره : مادري يمكن

دلال تدخل غرفة نوره : مبروك يانواف

نوره : تعالي باركي له وانت سمعتي الجيران

دلال : السلام عليكم مبروك

نواف : الله يبارك فيك وعليكم السلام

دلال : الله يوفقكم

نواف : آمين وعقبالك

دلال : عقبالي بزواج والا حب ؟؟

نواف : كلهم

دلال : حمدلله حب تبيني اصير وقتي كله ابكي ومقفله علي غرفتي مثل نوره .. ترى حبيبتك معاد هي حلوه مثل اول .. واذا قصدك زواج مابي ابي اجلس مع امي وابوي حرام اخليهم بروحهم

نواف : بس انا زعلان ليش تقولين حبيبتك معاد هي حلوه

دلال : تعال شوفها جلد وعظم

نوره : دلال اقول توكلي نواف فرحان لاتنكدين عليه

دلال : الله يشفيكم ههههههه مع السلامه نواف

نواف : مع السلامه

نوره : هلا حبيبي

نواف : هلا بك يابعد عمري

نوره : ماني مصدقه

نواف : وشو ؟

نوره : اني سمعت صوتك

نواف : حتىا انا والله يانوره وحشتيني

تستمر عبارات الحب والشوق بين العاشقين حتىا المساء

ثم يخرج نواف ليقبل والدته التي باركت له ثم قالت : خلاص ياولدي بروح معك اخطبها لك


جميع عائلة نواف علموا بما حصل

ليلىا تبارك لنواف

ويوسف كذلك

سلمان وماجد واحمد سبق انا باركوا له

سعود ومها لم يظهرا حتىا الآن

نواف يعيش ايام جميله والمكالمات مستمره بينه وبين نوره

وبعد مرور اسبوع من إجازة نواف

مها تتصل بليلى

مها : سلام عليكم

ليلىا : هلا مها وعليكم السلام

مها : كيف حالك ليلىا وكيف عيالك

ليلىا : الحمدلله

مها : ليلىا لازم تكلمين البنت اللي يحبها نواف ابوها وافق علىا خطوبتها بس انتي لازم تكلمينها تاخذين رايها

ليلىا : ليش

مها : يمكن ابوها اجبرها او بينها وبين نواف شيء

ليلىا كالعاده لاتعرف الرفض : طيب

مها : مع السلامه

ليلىا : مع السلامه

وفي اليوم التالي تتصل مها مرة أخرىا

مها : السلام عليكم

ليلىا : وعليكم السلام

مها : كلمتيها ؟؟

ليلىا : ايه

مها : من وين جبتي الرقم ؟؟

ليلىا : من عند نواف

مها : وش قلتيله ؟؟

ليلىا : قلت عطني رقمها ببارك لها

مها : طيب اعطيني رقمها ببارك لها

ليلىا : وهذا الرقم *******

مها : مع السلامه

ليلىا : مع السلامه

تتصل مها علىا هاتف نوره

تررررررررن ترررررررررن تررررررررن

نوره لاترد وتنادي دلال

نوره : دلال تعالي شوفي رقم غريب هذا من وين ؟؟

دلال : اها 026 من جده

نوره مبتسمه : ايه اجل اكيد نواف

ثم ترد نوره : مرحبا

مها : انتي حبيبة نواف ؟؟

نوره : من انتي ؟

مها : انا اخته

نوره : صحيح والله هلا فيك كيفك

مها : انتي ساحره اخوي ؟؟

نوره : وشو

مها : الا انتي ساحرته حسبي الله عليك والا اخوي مو راعي مكالمات وخرابيط وكان رجال عاقل الحين مثل المجنون انتي وش مسويه فيه

نوره ..........

مها : بس مصيرك تطيحين بيدي والله لاقطعك يا......... تسحرين اخوي ها , تعرفين السحر عقوبته القتل واذا ثبت انك سحرتي اخوي والله مانتنازل
..احسن لك تفكين السحر وتخلين اخوي بحاله

وقبل ان تكمل مكلماتها التي تشبه السهام تغلق نوره هاتفها وهي تبكي

ثم تتصل نوره بنواف الذي كان متجها بسيارة شقيقه ماجد الىا مكه لأداء العمره

تررررررررن ترررررررن

نواف : هلا نوره

نوره : نواف انا مابيك تتزوجني عيش حياتك صح انا احبك وانت تحبني بس زواج مابي لو مايبقىا بالدنيا الا انت مابيييييييييك

نواف : وشووووووو

نوره : والله ما اوافق عليك يانواف

نواف يغمض عينيه في هذه الاثناء ولا يفتحها الا والسياره خارجه عن مسارها تنقلب اربع قلبات وتدخل في المسار المعاكس ..اكثر من سياره تصطدم بسيارة نواف
ونوره علىا الخط تستمع صوت حادث حبيبها المؤلم

نواف ينزف ولا يتكلم

نوره : نواااااااااااااااااااااااااااااااف

يقترب اشخاص باتجاه نواف اصواتهم

..لاحول ولا قوة الا بالله

.. شوفوا الرجال يتنفس والا لا

.. هو باقي حي ؟؟

.. الحقوا اتصلوا علىا الاسعاف شكله الرجال مات

نوره تسمع كل هذا الكلام ثم تسقط في غيبوبه وتنقل الىا المستشفى


نواف ينقل الىا المستشفى وهو في غيبوبه ايضا ً والإصابات متوزعه علىا أنحاء جسمه

حاله من الهلع في منزلي العاشقين

نواف اصاباته بالغه في الجمجمه والتقرير الطبي يقول انه اذا استمر علىا قيد الحياه قد يكون مشلول او يفقد احد حواسه ... ويقرر له عمليه طارئه نسبة نجاحها لاتتجاوز 5%

نوره في العنايه المركزه ولا احد يعلم مابها ..

عبد الرحمن (( والد نوره )) يسأل زوجته وهم خارجون من غرفة العنايه المركزه حيث ترقد نوره : وش
آخر رقم أتصلت فيه ؟؟

العنود : رقم نواف

عبد الرحمن : حسبي الله عليه اكيد مزعلها

ثم يتصل علىا سلمان شقيق نواف ليفرغ غضبه في سلمان ونواف

ترررررررن ترررررررن

عبد الرحمن : السلام عليكم

سلمان : وعليكم السلام

عبد الرحمن : شفت اخوك اش سوىا ببنتي ؟؟

سلمان : اخوي صار عليه حادث والحين مادري يعيش والا يموت .. وش فيها بنتك

عبد الرحمن : لاحول ولا قوة الا بالله سلامات والله مادريت .. بنتي نوره بالعنايه المركزه في غيبوبه

سلمان : انا لله وانا اليه راجعون

ثم يغلق عبد الرحمن الخط وقد علم السبب لما جرىا لنوره

سلمان يحكي ماجرىا لجميع اخوة نواف الذين قد اجتمعوا عنده بالمستشفىا

مها عندما علمت ان نوره في المستشفىا ادركت تماما ان اتصالها بنوره هو السبب لما جرىا

تنهمر الدموع من عيني مها ندما علىا مافعلته ولم يعرف به أحد حتىا الآن

نواف وقبل ان يتم توجيهه الىا غرفة العمليات

يصحوا قليلا وينظر في وجوه من قدموا لزيارته لايهمه احد هو يبحث عن وجه نوره

يؤشر لماجد باصبعه

ماجد يتقدم
نواف يحاول الكلام ولاكن الإجهزه الموضوعه علىا وجهه تمنعه من ذلك

نواف يؤشر باصبعه طالبا ورقه وقلم

يحضرها ماجد بسرعه

نواف يكتب وبخط مائل وكلمات مبعثره هذه الرساله

" نوره ياحبيبتي انا شايف الموت قدامي . ما اتوقع اني اعيش
الرساله هذي مابتوصلك الا اذا مت اما اذا الله اعطاني عمر بتشوفيني وانا ماعتقدانك بتشوفيني .
نوره بحملك امانه يمكن صعبه عليك بس فيها مصلحتك اذا مت اتزوجي ماجد اخوي ترا هو الوحيد
اللي يستاهلك بعدي .. حبيبتي عيشي حياتك لاتبكين علىا نواف طلبتك لاتبكين اذا تحبيني لاتبكين "

ثم يقلب نفس الورقه ويكتب الى ماجد
" ماجد ياخوي وعزوتي انت اكيد بتقراء الكلام اللي كتبته لنوره امانه نوره عندك.. امانه نوره عندك ..
حطها بعيونك دلعها ودللها ولاتخليها تتمنىا شيء حقق لها امنياتها اسألها كيف كان نواف وابيك تكون
نواف واغلىا من نواف
ماجد ابيك تخليها تنساني ابيك تخليها تحبك حب ماحبته لنواف "

ثم يغمض عينيه وتسقط الورقه والقلم ليلتقطها ماجد

الاطباء يأتون بسرعه ليكشفوا علىا حالة نواف الذي عاد وفقد الوعي

ضربات قلبه غير منتظمه

ماجد ومها وسلمان هم الأكثر بكاء علىا نواف

ثم ينقل نواف الىا غرفة العمليات في اليوم التالي الساعه الثامنه صباحا ً

ياله من صباح كئيب نوره ترقد علىا سريرها بالعنايه المركزه وهي غائبه عن الوعي

نواف يدخل غرفة العمليات لعمل عمليه جراحيه نسبة نجاحها لاتتجاوز 5%

مها تشعر انها قد قتلت شقيقها بتصرفها الأرعن

عبد الرحمن والعنود ودلال وخالد شقيق نوره مجتمعون في منزلهم

العنود تبكي : ياويلي بنتي مادري وش فيها

عبد الرحمن : استهدي بالله الدكتور يقول صدمه تجلس فتره وترجع طبيعيه

دلال تبكي ولا تتكلم

خالد : انا اختي تكلم وانا آخر من يدري ..وموافقين انها تتزوجه والله حاله

عبد الرحمن : خالد انت شايف امك تعبانه بتزيدها
خالد : هذي نتيجة تربيتك والدلع الزايد

دلال لاتستطيع ان تسمع أكثر تذهب الىا غرفتها راكضه وهي تبكي

خالد : وهذي اكيد معها راقبوا تلفونها تلقونها متعرفتلها علىا واحد

عبد الرحمن : خالد اسكت

خالد : انا بروح تبون شيء قبل مامشي

عبد الرحمن ..........

العنود ............

خالد يخرج من المنزل

الساعه الواحده ظهرا يخرج نواف من غرفة العمليات الىا غرفة العنايه الفائقه

حالته صعبه نتائج العمليه لم تظهر الىا الآن

ولكنه لازال حيا ً

عبد الرحمن والعنود ودلال يتجهون عصرا الىا نوره

نوره تفتح عيناها

جميعهم مبتسون
العنود تعناقها وتقلبها

دلال تبكي : حبيبتي نوره كيفك

نوره غير مدركه لما حولها تعود وتغمض عينيها قليلا ثم تفتحها

عبد الرحمن : الحمد لله بدت تتحسن

العنود ودلال : الحمدلله

بعد مرور اسبوعين نوره تنقل الىا منزلها صحتها متحسنه الا انها لاتستطيع الكلام

نواف يصحوا في منتصف الاسبوع الثالث ولكن جميع أطرافه السفلىا مشلوله ولا يستطيع ان يحركها
يطلب من ماجد ان يحضر هاتفه المحمول

يبحث عن رقم نوره ثم يتصل

تررررررررن تررررررررن ترررررررررررن

دلال تفتح الخط وتجعل نوره تسمع صوته علىا أمل انها تستطيع الكلام ولكن دون فائده

نواف بصوت متهالك : نوره

دلال تخرج من غرفة نوره بسرعه وترد : هلا حبيبي

نواف لايميز الفرق بين صوت نوره ودلال : وحشتيني

دلال : وانت اكثر ياحياتي

نوره تخرج من غرفتها وتسمع كلام دلال ثم تعود وهي تبكي الىا غرفتها

طبيب نواف يدخل ويجد نواف يكلم

الطبيب : وبعدين نواف حرام كذا تضر نفسك انت ممنوع تستخدم الجوال الحين

دلال : خلاص حبيبي اسمع كلام الدكتور

نواف : طيب يادكتور الله يخليك بس بتطمن علىا حبيبتي

دلال : انا بخير يانواف وبانتظرك

نواف : حبيبتي طمنيني عليك كل شوي

دلال : من عيوني

نواف : نوره انتبهي لروحك

دلال :ابشر ياحياتي وانت انتبه لروحك

نواف يبكي ثم يغلق الخط
دلال تعود الىا غرفة نوره تجد نوره واقفه تنظر الىا نافذتها

دلال : نوره حبيبتي سمعتي صوت نواف

نوره غاضبه ولا تريد ان تنظر الىا دلال

دلال : حبيبتي اختي زعلانه ؟

نوره لاتنظر إليها

دلال : نواف لو درىا انك تعبانه والله بيتعب أكثر انتي سمعتي صوته كيف تعبان قلت اكلمه بيحسبني
انتي ويمكن تتحسن حالته علىا الأقل اقدر ارفع معنوياته

نوره تنظر الى دلال وتعانقها ثم تبكيان

دموع هنا ودموع هناك
نواف يطلب من ماجد الورقه التي كتب فيها رسالته الىا نوره يحتضنها ثم يبكي

ماجد والدموع لاتفارق عيناه حزننا علىا شقيقه

مها أصيبت باكتئاب عندما أحست بالذنب الذي ارتكبته

نواف بعد ثلاثة أيام يتصل علىا هاتف نوره

تررررررن ترررررررررن تررررررررن

دلال ترد وتفكر في خطه ممكن ان تتحسن من خلالها حالة نوره الصحيه وقد تستطيع بعد ذلك ان تتكلم
تضع طرف من سماعتها في أذن نوره والطرف الآخر في أذنها

دلال : هلا حبيبي كيفك اليوم

نواف : الحمدلله كيفك انتي

دلال : وحشتني

نواف : وانتي أكثر ياحياتي

نوره تبكي ثم تخرج السماعه من اذنها وتتجه بإتجاه نافذتها

نواف : نوره

دلال : عيونها

نواف : وش فيك ساكته

دلال : من الشوق ماعرف وش اقول

نواف : احبك

دلال : كيف صحتك الحين ؟؟

نواف يصمت ثم يبكي ثم يغلق الهاتف .. لانه لايريد ان تعرف نوره انه مشلول

طوط طوط طوط

دلال : نوره حبيبتي وربي ماعرف لكلام الحب حقكم ههههههههههه

نوره تنظر والدموع في عينيها وتبتسم

دلال : يقول لي احبك وانا اقول له كيف صحتك الحين بكىا وقفل شكله زعل
نواف ينادي ماجد

ماجد يأتي ويجلس بجانبه علىا السرير

نواف : انا مابي نوره تعرف اني مشلول

ماجد : ليش ؟

نواف : بس مابيها تعرف

ماجد : مصيرها تعرف

نواف : اخاف تعرف اني مشلول وتتركني

ماجد : لو تحبك مابتتركك

نواف : حتىا لو تحبني هي حبتني وانا انسان طبيعي بس أكيد بتتغير نظرتها عشاني مشلول

ماجد : نواف ضروري تقول لها حرام تلعب عليها

نواف : احسن من يوم تعرف اني مشلول وتتركني وأخسر نوره واخسر المشي والناس والحريه

ماجد يبكي ....

نواف : انا مامصبرني علىا حالتي هذي الا نوره

ويقطع حديثهم اتصال من نوره التي ادركت ان دلال لاتعرف كيف تتعامل مع نواف أخذت الهاتف من
دلال ثم اتصلت

ترررررررررن تررررررررررن ترررررررررررن تررررررررن

نواف لا يرد

ماجد : ليش ماترد ؟؟

نواف : شكلها بتسألني

ماجد: لا رد

وفي نفس الوقت دلال تنظر الىا نوره وهي مبتسمه نوره تريد الكلام بعد أسابيع من الصمت

ترررررررررن تررررررررررررن

نواف بعد تردد : هلا حبيبتي

نوره تحاول الكلام ولكنها لا تستطيع تبكي وتقذف السماعه علىا سريرها وتنهض من مكانها

دلال : نواف

نواف : نوره وش فيك

دلال تحاول ان تجد عذر : ابد مافيني شيء .. بس زعلانه عشانك قفلت وماقلت لي مع السلامه

نواف ........

دلال : عشانك قلت لي احبك وانا سألتك عن صحتك لاتلومني ياحبيبي ابي اتطمن عليك

نواف يغامر : انا مشلول

دلال : وشو

نواف : انا ماقدر احرك الا راسي ويديني

دلال وهي مرتبكه من نظرات نوره ولاتريد ان تبين لها تبتسم وتقول : وكيفك الحين

نواف بعصبيه ودموع : اقول لك مشلول تقولين كيفك الحين !!

دلال : طيب لحظه

ثم تخرج وتتجه الىا غرفتها
نواف : نوره اليوم مانتي طبيعيه

دلال : لا بس كانت عندي امي ومستحيه اكلمك قدامها .. حبيبي الدكتور وش يقول ؟؟

نواف : مادري بس يقول انشاءالله تتحسن

دلال : ماعليك ياحبيبي انشاءالله كل يوم تكون احسن من اللي قبله

ثم تستمر بينهما المكالمه الى ان يحين موعد نوم نواف

دلال : حبيبي يلااااا نام الحين

نواف طيب انشاءالله بس الله يخليك خليك معي شوي

دلال تغني :-
نورم العوافي ياحبيبي
احلام ورديه ياحبيبي
تصحى وتلقاني قدامك
يارب تتحقق احلامك
***
ترجع وتقوم بالسلامه
وتكون احسن ياحبيبي
حمدلله عالسلامه
حمدلله ياحبيبي
***
شد حيلك يانواف
صدقني بتكون احسن
ياروحي انت يانواف
احبك موت يانواف
***
ترجع وتقوم بالسلامه
وتكون احسن ياحبيبي
حمدلله عالسلامه
حمدلله ياحبيبي
نواف يحتضن وسادته وهو يبكي بدموع ليست مليئه بالحزن انها دموع الشوق الى محبوبته ويتذكر تفكيره
عندما ظن انها سوف تتخلىا عنه
وجدها في قمة إخلاصها وعاطفتها

دلال والدموع قد أغرقت وجنتيها تتوقف عن الغناء وتستمع الىا نواف وهو ينتهد

نواف : نوره حبيبتي كملي

دلال تبتسم : معاد ادري وش اقول .. أعيدها ؟؟

نواف : طيب

تعيد دلال الاغنيه ولاكن هذه المره بصوتها الباكي

نواف يبكي

ماجد يقترب ليسمع مالذي يبكي نواف

يعود ماجد الىا سريره المجاور لسرير نواف وهو يبكي

نواف لايزال يبكي ودلال لازالت تغني وهي تبكي وكل مانتهت من الاغنيه يطلب منها نواف ان تعيدها
دلال : نواف

نواف .......

دلال : نوااااف

ثم يتقدم ماجد ويرفع السماعه وبصوت منخفض : خلاص سكري نواف نايم الحين تصبحين علىا خير

ثم ابتسمت دلال وعلمت ان نواف قد نام مع الأغنيه

تعود لغرفة نوره لتعطي نوره الهاتف

نوره ترفض ان تأخذ الهاتف تعطيه دلال وهي مبتسمه

تعلم دلاال ان نوره تريد منها ان تستمر في المكالمات مع نواف بديلة عنها

تستمر المكالمات بين دلال ونواف يوميا

نواف صحته في تحسن بطئ بعد الاستمرار في العلاج الطبيعي

ودلال كل يوم معه علىا الهاتف وقبل ان تودعه يوميا تغني
:-
نورم العوافي ياحبيبي
احلام ورديه ياحبيبي
تصحى وتلقاني قدامك
يارب تتحقق احلامك
***
ترجع وتقوم بالسلامه
وتكون احسن ياحبيبي
حمدلله عالسلامه
حمدلله ياحبيبي
***
شد حيلك يانواف
صدقني بتكون احسن
ياروحي انت يانواف
احبك احسن واحسن
***
ترجع وتقوم بالسلامه
وتكون احسن ياحبيبي
حمدلله عالسلامه
حمدلله ياحبيبي

ويستمر الحال
شهر
شهرين
ثلاثه

.. سنه

سنتين

دلال يتقدم لخطبتها أكثر من شخص ولكنها ترفضهم جميعا لأنها تريد ان تكمل مع نواف حتىا تتحسن
صحته ويستطيع المشي
من أجل نواف .. ومن أجل نوره
دلال تضحي

وبعد مرور ثلاث سنوات وسبعة أشهر

نواف : نوره حبيبتي

دلال : عيونها
نواف : انا اليوم قدرت اركض الحمدلله تمام خلاص رجعت نواف مثل اول واحسن
بس المشكله ان صرت شوي دب

دلال : وااااااااااااااااااو عادي بالعكس وانت دوووب اكيد بتكون احلى

نواف : واليوم بخرج من مركز التأهيل

دلال : مبروووك علينا ياحبيبي

نواف : واليوم حاجز علىا الرياض

دلال : لااااااااا كل هالاخبار الحلوه معاد اقدر اتكلم

ثم يغلق الخط

تذهب دلال بسرعه لتبشر نوره

دلال : نووووووووره نواف اليوم بيجي الرياض خلااااااااص صحته تمام واللي ماقلته لك ان نواف كان
مشلول طول هالمده بس الحين الحمدلله انسان طبيعي

تنظر نوره الىا دلال بسرعه

دلال : والله يانوره ماكذب عليك

نوره تنطق بأول كلمه منذ أكثر من ثلاث سنوات : نواف

دلال وهي تكاد تطير من الفرح : نوره

نوره : نواف

دلال تتكلم ونوره لاترد الا بقولها ((نواف))

نوره : نواف كان مشلول ؟

دلال : ايه اليوم يقول صار يركض خلاص رجع مثل اول واحسن

نوره : وليش ماقلتي لي انه مشلول ؟؟

دلال : خفت عليك .. وبعدين مافكرتي وشو اللي يخليه ثلاث سنوات بالمستشفى غير الشلل

نوره : مادري ماتوقعت شيء كنت افكر بنفسي اني انا السبب باللي صار له

نوره تتكلم بطلاقه غير انها خائفه من مقابلة نواف بعد ما ابتعدت عنه طوال فترة وجوده في المستشفىا

في مساء يوم الثلاثاء

نواف من جديد علىا متن الخطوط السعوديه متجها من مطار الملك عبد العزيز بجده الىا مطار الملك خالد
بالرياض
وتعود الىا ذاكرته ذكرى رحله 2954 ولكنه هذه المره يتذكرها بابتسامه ودموع
أيها الحب ها انت تعود من جديد
ها انت تجدد أحلامك الورديه
نواف ومنديله لايفارق عيناه
دموع فرح
دموع شوق
ويردد في نفسه قائلاً (( رجعت لك يانوره .. رجعت لك يا اغلىا من نفسي ))

وعند نزوله في مطار الملك خالد يتصل بهاتف نوره

ترررررررررن ترررررررررن

نوره لاتفتح الخط

دلال : ردي كلميه

نوره : وربي خايفه شوفي يديني

دلال تضحك بصوت عالي : امووووت بالحب اللي كذا

--- لم يتم الرد

يعاود الإتصال

ترررررررررن ترررررررررررن تررررررررررن

نوره تفتح الخط ولكن يقف حرف الهاء في حنجرتها لا تستطيع ان تقول هلا نواف

نواف : مساء الحب .. مساء الشوق ..مساء الاشياء الحلوه كلها

نوره تبكي ولاتتكلم

نواف : هذي دموع الفرح اللي يقولونها ؟؟

نوره بصوت قد أخفته الدموع : ايه

نواف : ايه ؟ ايه ؟ احلىىىىىىىىىىىىىىىىىىىىى ايه ياحلوها من فمك

ثم ينظر نواف بجانيه ويتذكر انه في صالة المطار والجميع ينظر اليه باستغراب

نواف : نوره حبيبتي الناس يناظرون فيني وربي نسيت اني بوسط الناس بروح ادور علىا ليموزين وادور
علىا فندق اسكن فيه وبعدين اكلمك

نوره : طيب

نواف : مع السلامه

نوره : مع السلامه

طوط طوط طوط
دلال تعانق نوره وهي تبكي : اختي تتكلم وربي احلىا يوم بحياتي

نوره : انشاءالله كل ايامك حلوه يا أحلىا اخت بالدنيا

دلال تقبل نوره علىا جبينها

نوره : والله يادلال مانسىا معروفك

دلال : وشووو معروف انتي اختي

نوره : دلال انتي ساعدتيني وساعدتي نواف لو ما اللي سويتيه ماتحسنت حالتي ولا حالة نواف

دلال : هذا شيء الله كاتبه قولي لو مالله ثم انتي

نوره بابتسامه : لاتلوميني ضاعت فصاحتي كم لي ماتكلمت

العنود قادمه من خارج المنزل حيث كانت مع زوجها منذ الصباح تدخل غير مصدقه لما تراه أمامها :
نوره بنتي تتكلم

نوره تركض باتجاه والدتها وتحتضنها وتبكيان
دلال بدموع وابتسامه تنظر من بعيد

دلال : يمه نواف طلع من المستشفى

العنود : من نواف ؟؟

نوره : حبيبي ..
دلال في نفس الوقت : اللي كانت تحبه نوره وخطبها

العنود : وهذا السبب اللي خلاها تتكلم

دلال : ومن الحب ماقتل

العنود: تعانق نوره حمدلله علىا سلامتك يابنتي.. ابوكم بيفرح هو الحين بالسياره برىا نبي نسوي له
مفاجأه

عبد الرحمن يدخل الصاله نوره تقابله : هلا يبه

عبد الرحمن يقف مدهوش

نوره تحتضنه وهي تبكي

عبد الرحمن بدموع الأب الحنون : نوره

نوره تنظر له وتبتسم

عبد الرحمن بابتسامه : قولي هلا يبه ابي اسمعها مره ثانيه

نوره : هلا يبه

عبد الرحمن يضحك بصوت عالي ثم يحتضنها

لحظات جميله تعيشها عائلة عبد الرحمن ونوره تتوسطهم

وجبه عشاء جماعيه مختلفه عن سابقاتها

الضحك والابتسامه تسود الوجوه

بعد العشاء تتجه نوره الىا غرفتها تجد
مكالمات لم يرد عليها = 14
جميعها من نواف

ثم تتصل نوره بنواف

تررررررن تررررررررن
نواف : هلا نوره خوفتيني عليك

نوره تقول بنفسها انا تأخرت عنك ساعات خفت علي وانت تأخرت علي سنين ياويلي لو تدري اني
ماكنت اقدر اكلمك

نواف : وش فيك ساكته

نوره : من الفرح مادري وش اقول

نواف : قولي احبك

نوره : احبك

نواف : الله وحشتني من زماااااااان ماسمعتها وانا خارج المستشفى

نوره : ماني مصدقه انك بالرياض

نواف : وشو مانتي مصدقه
يغلق الخط بعدها بسرعه

طوط طوط طوط

نوره ترتبك وتقول في نفسها (( نواف زعل ))

رقم غريب يتصل
ترررررررن تررررررن

بعد تردد تفتح الخط ولاتتكلم

نواف : هذا الرقم من وين ؟؟

نوره : مادري بسأل دلال

نواف يضحك : هذا تلفون الفندق مانتي مصدقه اتصلي فيه

نوره : نواف امزح انا دايم اصدقك مايحتاج تثبت لي

نواف يصمت وهو مبتسم ثم يقول : نوره بكلم ابوك

نوره : ليش ؟

نواف : بقول له اني طلعت من المستشفى وخلاص جاهز للزواج الحين يبي يكشف علي مستعد

نوره : هههههه

نواف : هاتي رقمه
نوره : نواف انت من جدك ؟؟

نواف : ايه اجل امزح

نوره : طيب ليش مستعجل باكر تكلمه

نواف : تقولين ليش مستعجل اذا ماكنت بهذي مستعجل اجل وشو أهم منها

نوره : انك تبقىا معي الحين

نواف : نوره وش الأغنيه اللي كنت تغنينها لي وانا بالمستشفى وحشتني ابي اسمعها

نوره ترتبك : أي أغنيه؟؟

نواف : هو فيه غيرها

نوره تظنها أغنيه لفنان : من اللي يغنيها

نواف وهو يضحك : الفنانه نوره

نوره : من جدك

نواف باستغراب : نوره وبعدين

نوره تبرر : تبي الصدق نسيتها


نواف : اما نسيتيها كثري منها وانتي كل يوم تغنينها عندك احد ومستحيه قولي اعذرك

نوره : مثل ماتقول

نواف : اها

تغير نوره الموضوع : نواف تبي تكلم ابوي ؟؟

نواف : ايه هاتي رقمه

نوره : وهذا رقمه *******

نواف : يالله مع السلامه

نوره : هههههه مستعجل طيب مع السلامه

طوط طوط طوط

نواف يتصل بهاتف عبد الرحمن

ترررررررررن تررررررررن تررررررررن

عبد الرحمن : مرحبا

نواف : السلام عليكم

عبد الرحمن : وعليكم السلام ورحمة الله وبركاته
نواف : شلونك عمي شخبارك

عبد الرحمن : الحمد لله بخير انت شلونك

نواف : الحمدلله تمام .. عرفتني ؟؟

عبد الرحمن : لا والله من انت

نواف : انا نواف الحمد اللي خطبت بنتك نوره قبل ثلاث سنوات وصار علي حادث

عبد الرحمن : وكيف صحتك الحين

نواف يحكي قصته مع الشلل طيلة ثلاث سنوات

عبد الرحمن متعاطف معه

نواف : وانا رجعت الحين بخطب نوره

عبد الرحمن : انت بنفس وظيفتك

نواف يصمت ويتذكر وظيفته التي تم فصله منها بعد الحادث بسنه حيث التقرير الطبي يدل علىا ان
أمله في الشفاء ضعيف

نواف : لا

عبد الرحمن : اجل كيف تبيني اعطيك بنتي

نواف : بدور وظيفه بس كلمتك ابي اشوف انت علىا كلمتك والا غيرتها

عبدالرحمن : اكون علىا كلمتي اذا لقيت لك وظيفه وكونت نفسك

نواف : انشاءالله ماتسمع الا اخبارك تسرك

عبد الرحمن : الله يوفقك

نواف : الجميع انشاءالله .. مع السلامه

عبد الرحمن : مع السلامه

طوط طوط طوط

نواف يتصل بنوره مرة أخرى

تررررررن ترررررررن

نوره : هلا حبيبي

نواف : هلا ياقلبي

نوره : كلمت ابوي ؟؟

نواف : ايه كلمته وسولفت انا وياه وسأل عن الوظيفه وقال اذا لقيت وظيفه بعطيك نوره

نوره : تمام

تدخل دلال الغرفه في هذه الأُثناء وتستمع الىا الحوار الذي يدور بين نوره ونواف

الغريب في الأمر ان دلال تشعر بالغيره
لاتستطيع ان تقاوم ماتسمعه
ثم تخرج باكيه دون ان تنتبه نوره
تغلق دلال الغرفه علىا نفسها ثم تستلقى علىا سريرها والدموع في عينيها وتحاور نفسها
(( .. نوره عاشت مع نواف سنه
**وانا عشت معه ثلاث سنين
.. نوره عاشت معه هو انسان عادي ويقدر يلقىا غيرها الف بنت
** وانا عشت معه وضحيت كثير بوقتي عشانه
-- انا استحق نواف اكثر من نوره
--انا اللي حبيته حب ماحبه لنوره
-- احبه احبه
دلال: ((لاااااااااا مستحيل اخلي حياة اختي جحيم بضحي عشان سعادتها ))

حيره داخل نفس دلال تترجمها قائله (( ياويلي ياحظي المنحوس ماحبيت قبل والحين ماحبيت الا
حبيب اختي ))

بعد مرور ساعتين من المكالمات بين نواف ونوره

نواف : نوره اسلوبك متغير

نوره تشعر بالحرج : لاياحبيبي لامتغير ولا شيء بس شعوري الليله غريب

نواف : عشان كلمت ابوك ؟؟

نوره : طبعا ياحبيبي

نواف : نوره حبيبتي ادعي لي بحاول ارجع لنفس وظيفتي

نوره : الله يوفقك ياحبيبي

نواف : والحين بنام عشان بكره الصبح بطلع بدري

نوره : طيب نوم العوافي ياحبيبي

نواف يبتسم ثم يقول : نوم العوافي ياحبيبي
احلام ورديه ياحبيبي
(( نفس الاغنيه التي كانت تغنيها دلال ))

نوره :عسىا الله لايحرمني منك

نواف يستغرب ان نوره لاتكمل الاغنيه ويظن انها لاتريد ان تتذكر ايام وجوده بالمستشفى :
يالله حبيبيتي تصبحين علىا خير

نوره : وانت من أهل الخير

نواف : باي ياحياتي

نوره : باي ياعيوني

طوط طوط طوط
ينام نواف ثم يصحو اليوم التالي ويذهب الىا شركة الاتصالات
يحاول ويحاول ويحاول لمدة شهر الى ان استطاع ان يعود الىا وظيفته السابقه

يكلم عبدالرحمن والد نوره ويخبره بذلك

عبد الرحمن يوافق مقدما

نواف والسعاده تغمره يكلم والدته

تررررررررررن ترررررررررررن

نواف : السلام عليكم
مريم : وعليكم السلام
نواف : يا أمي قولي مبروك
مريم اول شيء طمني انت كيف حالك وبعدين ليش ماتتصل لك ثلاثه اسابيع ماكلمتني
نواف : والله كنت مشغول يا أمي
مريم : مافي شيء يشغلك عن امك
نواف : قولي مبروك وانا اقول لك
مريم : مبروووك
نواف : رجعت لوظيفتي
مريم : مبروك مبروك ياولدي والله فرحتني
نواف : وكلمت ابو خطيبتي وقلت له ووافق اني اجي اخطبها
مريم : وتكلمه قبل لاتكلم امك ؟
نواف : عشان اقول لك خبرين حلوين
مريم : مبروك والله ياولدي
نواف : الله يبارك فيك
مريم : خلاص انا اكلم اخوانك كلهم ونتفق علىا الوقت اللي نجي فيه ونسوي لك الملكه
نواف : تعالوا الاسبوع الجاي والله يامي وحشتوني
مريم ضاحكه : وحشناك والا مستعجل علىا الشبكه
نواف : هههههههههههههه
مريم : ولا يهمك يانواف
نواف : الله يخليك يا أحلىا ام بالدنيا
مريم : بس في حاجه مهمه
نواف : وش هي ؟؟

مريم : اخوك سعود لازم انت اللي تكلمه بنفسك

نواف : طيب بس هذي بسيطه ..يالله مع السلامه يا أمي

مريم : مع السلامه

طوط طوط طوط
.
.
.
.
ثم يتصل بهاتف سعود

ترررررررن ترررررررن

سعود : هلا ياخويا

نواف : السلام عليكم

سعود : وعليكم السلام

نواف : كيف حالك سعود

سعود : والله بخير الحمدلله كيف حالك انت وكيف صحتك

نواف : الحمدلله تمام .. سعود بقول لك خبرين حلوين تبي الاول والا الثاني ؟؟

سعود : كلهم

نواف : الخبر الاول سلمك الله رجعت لوظيفتي

سعود : والله ؟ مبروك .. والخبر الثاني ؟؟

نواف : كلمت ابو خطيبتي وقلت له رجعت لوظيفتي ووافق يزوجني بنته

سعود يقول في نفسه ((ليته ماوافق)) ثم يقول لنواف وبصوت منخفض خوفا على مشاعر اخيه الذي قضىا
من عمره ثلاث سنوات في المستشفى : مبروك

نواف : الله يبارك فيك

سعود : كلمت امي ؟؟

نواف : طبعا

سعود : كلم اختك مها

نواف : اش معنىا مها ؟

سعود : بس رأيها مهم

نواف : وليلىا اكبر منها ليش ما أكلمها قبلها

سعود : براحتك بس مهم تكلم مها

نواف الىا الآن لم يعلم ان مها هي السبب وراء كل ماحصل ولم يعلم انها اتصلت بنوره لأنه قد سأل
دلال قائلا..

(( نواف : نوره حبيبتي ممكن اسألك سؤال

دلال : تفضل اسأل ياحبيبي بدون ماتقول ممكن انت تامر

نواف : ليش قلتي لي ما أبيك لو مايبقى بالدنيا غيرك والحين وانا بالمستشفى مشلول تبيني ؟؟

دلال لا تعرف الإجابه علىا سؤال نواف لأن نوره لازالت لاتتكلم تشعر بالحرج وتتهرب قائله :
نواف حبيبي اذا تحبني جد بطلب منك طلب وماتردني فيه

نواف : اذا أحبك جد ؟؟ هههههه

دلال : موافق والا لا

نواف مبتسما ً : ايه عشاني احبك جد بس انتي ماجاوبتي علىا سؤالي

دلال : انت وافق علىا طلبي وبعدها ابشر باللي تبي

نواف : طبعا موافق

دلال : نواف حبيبي ارجوك اذا تحبني جد اعفني من الاجابه علىا هالسؤال ولعاد تسألني مره ثانيه

نواف يصمت قليلاً

دلال : نواف حبيبي وش فيك

نواف : نوره حبيبتي السؤال كان مهم عندي بس خلاص وعد معاد اسألك ))

نواف لم يسأل نوره بعد ذلك لانه قد وعد دلال .. نوره مستغربه وتسأل نفسها أكثر من مره
((ليش مايسألني عن الكلام اللي قلته له يوم الحادث )) وبعد أيام سألت دلال وأخبرتها دلال بما دار
بينها وبين نواف

ثم يكمل نواف حواره مع سعود

نواف : طيب بكلم مها بس بعد ما أكلم ليلىا وسلمان

سعود: براحتك

نواف : مع السلامه

سعود : مع السلامه

طوط طوط طوط
يتصل نواف بسعود وليلىا ويخبرهم بأنه قد عاد الىا عمله وان والد نوره قد وافق علىا زواجه من ابنته

ثم يتصل بعد ذلك بمها

تررررررن ترررررررن تررررررن

مها : هلا باخوي وحبيبي

نواف : السلام عليكم

مها : وعليكم السلام ياواحشني

نواف : مها ترا بسكر ما اقدر اقاوم هاالكلام

مها : طيب يانواف كم لك ماكلمتني وانا اللي كنت كل يوم ازورك بالمستشفى

نواف : انشغلت مع نوره

مها : اللي اخذ عقلك

نواف : تستاهله

مها التي قد احبت نوره كثيرا لانها طوال فترة وجود نواف بالمستشفىا كانت دلال تكلمه وفي نظر مها
انها حبيبة نواف المخلصه نوره ومما جعلها تحبها اكثر انها لم تخبر نواف بالكلام الذي قالته لنوره في
نفس يوم الحادث

مها : اي وربي تستاهل كل خير البنت الطيبه

نواف : مها كم تعطيني واقول لك خبرين حلوين

مها : رجعت لوظيفتك وابو نوره وافق

نواف : من اللي خرب علي

مها : كلمت امي وقالت لي.. مبروووك والله يانواف انشاءالله تتعوض الايام اللي قضيتها بالمستشفى

نواف : الله يبارك فيك .. مها بسألك سؤال

مها : اسأل

نواف : سعود ليش مصر اني اكلمك اكثر شيء

مها بذكاء : طيب انت سألته ليش ؟؟

نواف : ايه سألته وقال رايها مهم

مها بابتسامه : حلاص هو قال لك

نواف : طيب توصين شيء الحين

مها : سلامتك

نواف : مع السلامه

مها : مع السلامه

وقبل ان يغلق نواف الخط
مها : نواف

نواف : سمي

مها : تبي الصراحه ؟؟

نواف : مافي احلىا من الصراحه
مها : مشتاقه اشوف خطيبتك
نواف : احسب عندك سالفه مع السلامه
مها : هههه طيب مع السلامه

طوط طوط طوط
ثم يتصل نواف بحبيبته نوره

ترررررررن

نوره تفتح الخط من اول رنه : هلاااااااااا حبيبي وحشتني

نواف : وانتي اكثر ياحياتي

نوره : ها بشر وش سويت

نواف : عندي لك كومة اخبار حلوه

نوره : والله طيب حلو

نواف : خلاص بكره اداوم انشاءالله

نوره : مبرووووووووووك ياحياتي مبروووك الف الف الف الف مبروووك

نواف : وكلمت ابوك ووافق اني اتزوجك

نوره لاتستطيع مقاومة دموع الفرح تستمر بالبكاء ولاتتكلم

نواف يداعبها قائلا : نوره حبيبتي تبكين شكلك ماتبيني

نوره بكلمات متداخله مع شهقات البكاء : ابيك انت ومابي غيرك يابعد روحي انت

نواف : الله لايحرمني منك ياحياتي

نوره : ولايحرمني منك يابعد عمري

نواف : وكملت امي واخواني كلهم فرحانين والاسبوع الجاي انشاءالله بيجون كلهم

نوره : كلمتهم قبل ماتكلمني .. طيب يانواف

نواف : ايه ياحبيبتي عشان ابشرك بكل شيء دفعه وحده

نوره : ياسلام وماتبيني اكون معك خطوه بخطوه

نواف : كذا احلىا

نوره تبتسم ثم تقول : الله يخليك لي

نواف : احبك

نوره : نواف احسها حلوه اليوم عيدها

نواف : والايام اللي قبل ماكانت حلوه

نوره : لا اليوم طعمها غير

نواف : احبك

نوره : احبك

نواف : احبك

نوره : احبك

نواف : احبك

نوره : ههههههههههه

نواف : ههههههههههههه

تستمر المكالمه و اللحظات الجميله بين نواف ونوره...
.
.
.
.
.
وبعد اسبوع عائلة نواف تصل الىا الرياض

وفي اليوم التالي يذهبون جميعا الىا بيت عبد الرحمن والد نوره

سعود وسلمان ويوسف ونواف وماجد وأحمد في مجلس الرجال خالد شقيق نوره لم يحضر لأنه لم يكن
موافق علىا هذه الخطوبه

مريم وليلىا ومها في مجلس النساء كان في إستقبالهم العنود ودلال

مها بصوت منخفض تستغل انشغال العنود ودلال : امي شوفي هذي اختها تهبل ماشاءالله يارب تكون
تشبهها

مريم : بنشوف يمكن احلىا منها

تتقدم نوره بخطواتها الخجوله

مريم : ماشاءالله

مها تقوم بسرعه : هذي العروسه ؟؟

العنود : ايه هذي نوره

تتقدم مها وتصافحها : ماشاءالله ايه حظ اخوي دايم حلو

مريم تصافحها ايضا : ماشاءالله

ليلىا كذلك : هلا نوره ماشاء الله قمر يمشي علىا الارض

تجلس نوره وقد احمرت وجنتيها خجلا

لحظات من الخجل ... وينتاب نوره شعور غريب بعده وهي تسمع صوت مها وتتذكر كلماتها الحارقه
عندما تقول ((لا انتي ساحرته حسبي الله عليك والا اخوي مو راعي مكالمات وخرابيط وكان
رجال عاقل الحين مثل المجنون انتي وش مسويه فيه))
نوره تضطرب في داخلها ولكن شعور الفرح والخجل في داخلها وإستقبال مها الغير عادي لها جعلها تتأكد
ان نظرة مها لها قد تغيرت

وفي هذه الأثناء دلال لاتستطيع ان تسيطر علىا مشاعرها وهي تتمنىا ان تكون مكان نوره ولم تقدر علىا
حبس دموعها التي قد أسالت الكحل علىا وجنتيها

مها : الحلوه ايش فيها تبكي

العنود : اكيد حزينه ماتبي تفارق اختها .. اختها الكبيره بجده

مريم : لا انشاءالله ماتفارقها نواف بيعيش في الرياض عشان عمله

ثم تستمر المناقشات بين النساء

مريم : انشاءالله بكره نملك لهم ونسوي الشبكه

العنود : انشاءالله
مريم : كم تبون مهر ؟؟

العنود : بنتي مهرها 80 الف

مريم : كم ؟؟

العنود : 80 الف ويمكن ماتكفي بس اذا نقص عليها شيء بنكمل من عندنا

مريم : انتي تعرفين ان نواف كان بالمستشفى ومارجع لعمله الا قبل اسبوع
العنود : طيب لحظه بكلم ابوها

تخرج العنود وتناقش زوجها الذي قد أصر علىا ان لايزيد المهر عن 30 الف لانه يعرف ظروف نواف
جيدا ً

تعود العنود بعد ذلك واعين مريم وبناتها تتجه اليها يترقبون النتيجه

العنود : خلاص ابوها يقول مانبي اكثر من 30 الف والله يوفقهم انشاءالله

مريم : ايوه 30 الف معقوله وولدي انشاءالله بيعيشها حياه كريمه

يستمر النقاش في الأمور الأخرىا دلال ونوره تتجهان الىا غرفة نوره

وبعدها بقليل سعود يتصل بوالدته

سعود : يالله مشينا

مريم : طيب

طوط طوط
مريم : يالله يام خالد العيال برىا ينتظرون

العنود : بدري

مريم : من عمرك بكره انشاءالله واحنا عندكم

العنود : الله يحييكم

يخرجون بعد ذلك وتودعهم العنود

مريم ومها فقط مع نواف في السياره

مها : والله يانواف خطيبتك تهبل ماشاءالله حظك حلو

نواف : ايه اخوك ذوق

مها : نواف شكلك اذا تزوجتها بتبلط عندها مابتطلع من البيت

مريم: الله يوفقك ياولدي

نواف : آآمين

مها : آآمين

مها : يأمي شفتي اختها احلىا منها ياعيني عليها شكلي بخطبها لماجد

نواف ضاحكاً : يصير ماجد اخوي وعديلي

مها : ياليتهم يوافقون

مريم : ما أظن يوافقون لأن ماجد بجده وللحين ماعنده وظيفه

نواف : نخلي ماجد لين يتوظف ونخطبها ذاك الوقت انا قد اتزوجت نوره بيكون لي تأثير أقوىا

تستمر الاحاديث بين نواف ومها بمشاركه من والدتهم الىا ان وصلوا الىا مكان إقامتهم
نواف يتصل علىا الفور بنوره

ترررررررن تررررررررن

نوره : هلا حبيبي

نواف : هلا ياقلبي هلا يابعد عمري هلا ياحبي الاول والاخير

نوره تصمت خجلاً

نواف : وربي يانوره مها اختي بتتجنن عليك

نوره : وش تقول؟؟

نواف : تقول خطيبتك قمر ماشاءالله عليها

نوره مبتسمه : ادري اني قمر

نواف : يابعد عمري يانوره خلاص هانت

نوره : احبك

نواف : احببببببببببببببببببببببببببببببببببببببببببب بك

كلمات عشق كلمات حب لحظات جميله ليله بألف ليله وليله يقضيها نواف ونوره

وبعد ان انتهت المكالمه

نواف في غرفته لم ينم

ونوره كذلك

كلاً منهما يفكر في الآخر
الوقت يمر ببطئ علىا نواف الذي حاول ان يشغل نفسه بأي شيء لكي يمر الوقت سريعاً

نواف يتصل بنوره مجدداً

ترررررررن ترررررررررن

نوره تفتح الخط : هلا نواف مانمت

نواف : لا انتي نمتي

نوره : لا

نواف : ليش ؟

نوره :افكر فيك .. وانت ليش مانمت

نواف : افكر فيك يانوره ماني مصدق انك بعد اقل من 24 ساعه بتصيرين ملكي

نوره : انا ملكك من اربع سنين

نواف : لا اقصد بتصرين ملكي شرعاً .. خلاص لو بخطفك بكره محد يقدر يقول شيء

نوره : ههههههههههههه تخطفني وين توديني

نواف : نوره انا خايف

نوره : وش مخوفك ؟؟

نواف : خايف الليل مايجي الوقت مايمشي

نوره : انت حاس باللي انا حاسه فيه

نواف : نوره انتبهي لروحك انشاء الله بننام

نوره : وانت انتبه لروحك

نواف : من عيوني

نوره : تسلم عيونك

نواف :الله يسلمك.. مع السلامه

نوره : مع السلامه
ومساء اليوم التالي

وبعد ان تم العقد واصبحت نوره زوجة لنواف

يتقدم نواف ليلبس حبيبته دبلة الخطوبه

نظرات بين العاشقين

حوار بين العيون

مع صوت الموسيقىا الذي يدوي في حفل صاخب

نوره تقترب من نواف شيئا ً فشيئا

نواف يمسك بيد نوره ويدخل الدبله ويهمس لها قائلا : مبروك

نوره بصوت لا تسمعه اذنيها : مبروك

نواف : مبروك علي نوره

نوره تبتسم

نواف : احبك

نظرات نوره تتجه الىا ان تصل الىا قدميها خجلاً

نواف : هذي أحلىا لحظه بعمري

نوره لاتتكلم

نواف : ارفعي راسك خليني اشوف العيون الحلوه

نوره تبتعد مسرعه وتتجه الىا غرفتها

نواف يشعر بالحرج والورود تنثر عليه من كل اتجاه قليلا ثم يخرج

دلال تدخل الىا غرفة نوره : مبروك ياحبيبتي بس ليش طلعتي بسرعه احرجتيه

نوره : دلال تعالي امسكي قلبي

دلال : ههههههه مفروض تكونين قويه وماتحرجينه

نوره : ماقدرت

دلال : تحبينه ؟؟

نوره : موووووووت
وبعد دقائق يتصل نواف

ترررررررن ترررررررررررن

نوره : هلا حبيبي
نواف : ليش تحرجيني

نوره : غصب عني يانواف

نواف : اول مره يانوره اشوفك تفكرين بنفسك

نوره : انا ماني قادره افكر لابنفسي ولا فيك

نواف : نوره انتي اخترتي انك تتهربين من الاحراج اللي انتي فيه وتحرجيني

نوره : والله العظيم ماقصد شيء

نواف : احبك

نوره : احبك

نواف : نوره الحين انتي زوجتي

نوره ضاحكه : وانت بعلي

نواف : هههههههههههههه

نوره : هههههههههههه

نواف : تعرفين عاصمة فنزويلا ؟؟

نوره : نواف بسألك سؤال واتحداك تجاوب

نواف : وشو

نوره : وش أول كلمه قلتها لي ؟

نواف : انا مابعتمد علىا ذاكرتي بعد علىا معرفتي بنفسي انا اذا جيت اكلم شخص ما أعرف اقول له
لو سمحت اوممكن

نوره : لا انت قلت ممكن عاصمة فنزويلا ؟؟؟

نواف : ماقلت قبلها شيء ؟

نوره : مادري انا اللي باقيه بذهني ممكن عاصمة فنزويلا ؟؟

نواف : بس انا مانسا كراكاس وبعدين يوم هاوشتيني تقولين كركااااااااااااااس ... يابعد عمري يانوره
وقتها احسبك وحده شريره ماكنت اعرف انك اطيب قلب بالعالم

نوره : وانا كنت احسبك ملقوف ومتطفل

نواف ........

نوره : يوووه نواف زعلت

نواف : وليش ازعل

نوره : نواف انت قلت نظرتك عني اول ماشفتني ونظرتي عنك

نواف : لا عادي ماصار شيء

نوره : احبك يانواف لاتزعل ياعيوني انت

نواف : لا خلاص عادي احبك

نوره : نواف اليوم شبكتنا وانت تزعل كذا

نواف : خبل وش تقولين

نوره : احلىا خبل بالدنيا

نواف : ههههههههههه
نوره : ايه اضحك يا أحلىا نواف بالدنيا

نواف : اما احلىا نواف كثري منها

نوره : بعيني

نواف : وانتي احلىا انسانه بالدنيا

نوره : بعينك ؟

نواف : وبعيون كل عاقل

نوره : نواف حبيبي تعرفني ماحب المجامله

نواف : قليله عليك احلىا انسانه انتي احلىا واغلىا واطيب انسانه نوره انتي اللي علمتيني معنىا
الحب نوره انتي اللي علمتيني شلون يكون الانسان بمكان وقلبه بمكان ثاني

وفي هذه الأثناء دموع الشوق تنزل من عيني نوره

نواف يكمل : نوره مهما اقول فيك ما أوفي بحقك .. وأكثر شيء مانساه لك ولا يمكن انساه وقفتك معي
ومساعدتك لي بفترة وجودي بالمستشفى

نوره : هذي بسيطه ماسويت الا واجبي

نواف : هذي من طيبك يانوره لو اي بنت غيرك حبيبها مشلول ولا فيه أمل يرجع انسان طبيعي
بتتخلىا عنه بس انتي ماتخليتي انتي بعد الله اللي ساعدتيني وخليتيني ارجع للحياه انسان طبيعي ..
وهذا السبب اللي خلا اهلىا كلهم يقتنعون فيك ويحبونك لأنهم شافوا الوفاء فيك

نوره : نواف حبيبي ماقدر اقاوم هالكلام بروح اغسل وجهي واشرب عصير واذا رجعت اكلمك

نواف : تغسلين وجهك ليش

نوره بخجل : دموعي نزلت من الكلام اللي تقوله

نواف مبتسماً : وش اسمها الدموع هذي دموع فرح والا دموع حزن

نوره : لا الاولىا ولا الثانيه هذي دموع مالقولها اسم للحين

نواف : انا لقيت لها اسم

نوره : وشو ؟؟

نواف : دموع نوره

نوره : ههههههه اوكي حبيبي اكلمك بعد شوي

نواف : لا خذي التلفون معك

نوره : ابشر اللي يامر به بعلي

نواف : ياعيون بعلك انتي وقلبه وروحه

تخرج نوره من غرفتها تحمل هاتفها في يدها
تغسل وجهها ثم تدخل المطبخ
دلال في المطبخ تغني ((ترجع وتقوم بالسلامه
وتكون احسن ياحبيبي
حمدلله عالسلامه
حمدلله ياحبيبي))

نواف مندهشا ً وهو يسمع الأغنيه التي كان يسمعها يوميا طيلة ثلاث سنوات : نوره

نوره : هلا حبيبي

نواف : هذي اللي تغني دلال

نوره قبل التفكير في العواقب : ايه

نواف : هذي الاغنيه اللي من زمان اسألك عنها وماتجاوبين اثاري دلال اللي كانت تكلمني وتغني لي ؟؟؟؟؟
نوره : نواف

نواف : ولا كلمه عرفت من اللي ضحت عشاني

ثم يغلق الخط

طوط طوط طوط

نوره تحاول الإتصال تجد هاتفه مغلق

دلال : وش فيك نوره

نوره تخرج باكيه وتعود الىا غرفتها

دلال تلحق بها

دلال : حبيبتي اختي وش فيها

نوره وصوتها لايكاد يسمع من البكاء : دمرتي حياتي يادلال

دلال : وشو ؟

نوره : نواف سمعك وانتي تغنين وعرف انك انتي اللي كنتي تكلمينه هو بالمستشفى

دلال تصمت من هول الصدمه

نوره : ليش مانسيتي الاغنيه ليش

دلال : وانا اش عرفني انك داخله المطبخ ونواف معك على الخط لأنك كنتي ساكته

نوره : حتىا هو كان ساكت ينتظرني لين اطلع من المطبخ

دلال : كلميه الحين بس لاتعترفين اني انا اللي كنت اكلمه بس قولي دلال كانت عندي وتسمعني يوم اغني لك وحفظتها

نوره : مابيصدق اللي لازم نقوله له الحقيقه بقول له اني كنت ما اقدر أتكلم من بعد الحادث لين طلع من المستشفىا وجاء الرياض واذا شاف التقارير الطبيه اكيد بيقتنع

دلال : نواف يوم كان بالمستشفىا يقول ..(( نوره حبيبتي توني الحين عرفت انك تحبيني جد ))

نوره تصمت

دلال تبكي

ثم تعود نوره قائله : جواله مغلق للحين

دلال : ارسلي له
تكتب نوره
الرساله الأولىا
" نواف حبيبي ليش مقفل جوالك اذا قريت الرساله اتصل فيني عشان اقول لك كل شيء "

بعد نصف ساعه
الرساله الثانيه
" نواف حبيبي وينك ياحبيبي والله اللي صار ماتتصوره "

بعد ساعه
" نواف حبيبي ليش مقفل جوالك خوفتني عليك "

بعد ثلاث ساعات
" نواف الله يخليك اذا فتحت الجوال بس خله مفتوح لاترد ابي اعرف انك موجود "

في اليوم التالي
" نواف يابعد عمري للحين مافتحت جوالك ؟ "

نوره تنهار في داخلها

دلال تبكي وتحتضن نوره
لانوم...لا أكل....لاشرب
إضراب عن كل شيء

العنود تدخل غرفة نوره وتجد دلال ونوره تبكيان

العنود: نوره وش فيك وحده امس شبكتها واليوم تبكي

نوره : يمه نواف مادري وش فيه من امس مقفل جواله
تتصل العنود علىا أخت نواف مها

تررررررن ترررررررن

مها : مرحبا

العنود : السلام عليكم انا ام خالد

مها : هلا ام خالد

العنود : نوره تبكي تقول نواف مقفل جواله وخايفه عليه

مها : مادري وينه جواله مقفل ويوم صحينا مالقيناه

لأن نواف كان يسكن مع أخوته في نفس الوحده السكنيه التي أقاموا فيه خلال وجودهم في الرياض

العنود : طيب وش تتوقعين

مها : يمكن مارتاح بنومه وراح ينام بشقته

العنود : طيب كم تلفون الشقه ؟؟

نوره : انا اعرفه يمه دقيت عليه الف مره ما رد

مها : هذا صوت العروسه

العنود : ايه

مها : سلميلي عليها

العنود موجهه الكلام لنوره : تسلم عليك مها .

مها : خلاص يام خالد شوي اخوه بيروح يشوفه وهو اكيد اذا صحىا بيكلم نوره قبلنا

العنود : طيب مع السلامه

مها : مع السلامه

طوط طوط طوط
العنود : انتي مزعلته ؟

نوره : لا سوء تفاهم بسيط

تبتسم العنود ثم تقول : ايه هذي الزوجه الناجحه اللي تكتم الخلافات اللي بينها وبين زوجها

ثم تخرج العنود من غرفة نوره

نوره لاتزال ترسل لنواف وتتصل علىا هاتفه المغلق

رساله.....
" نواف ابوس رجولك اول ماتشوف الرساله كلمني "

وبعد عشر ساعات

هاتف نوره يرن
تررررررررررن تررررررررن
نوره تفتح الخط بسرعه

مها : السلام عليكم

نوره : وعليكم السلام

مها : ماكلمك نواف ؟؟

نوره : وين نواف ؟؟

مها : انا اسألك عنه ..راح اخوه يدور عليه بشقته مالقاه

نوره تنهار بالبكاء : لا.. لا...لاااااااااااا

مها وهي باكيه ولكن تحاول ان تهدئ نوره : نوره نواف يحبك واكيد بيكلمك الحين

نوره تبكي ولا ترد

مها لاتستطيع ان تسيطر علىا نفسها ثم تغلق الخط

طوط طوط طوط
في صباح اليوم التالي تخرج نوره مع السائق بدون علم أهلها وتبحث عن نواف في جميع مستشفيات الرياض

نوره تتخبط دون ان تعرف في أي إتجاه تسير

تخطر علىا بالها فكره وتذهب الىا مقر عمله

تدخل نوره

حارس المبنىا الذي يعمل به نواف : لو سمحتي يا أخت ممنوع دخول النساء

نوره : تعرف نواف الحمد ؟؟

الحارس ايه بس الاسبوع هذا عنده اجازه شبكته واهله جايينه من جده

نوره : ماجاء اليوم

الحارس : اقول لك إجازه

نوره : طيب من أقرب أصحابه بالعمل له ؟

الحارس : من انتي ؟

نوره : انا زوجته

الحارس : فهد العلي هو اللي يعمل معه بنفس المكتب

نوره : ممكن رقم جواله

الحارس : ماعرفه ممكن تنتظرين دقايق اروح انادي فهد بنفسه

نوره : طيب

الحارس يدخل المكتب : فهد

فهد : ارحب

الحارس : فيه وحده برىا تبيك

زملاء فهد : طيب احلى ياعلاقات انت يجونك حتى بالعمل

فهد يخرج بسرعه يظن انها من أفراد عائلته لانه غير متزوج ولا يوجد له علاقات مع الجنس الناعم

الحارس وفهد يقتربان من الباب الخارجي

فهد: وينها

الحارس : هذي اللي واقفه

نوره : انت فهد ؟؟

فهد : ايه .. أي خدمه ؟؟

نوره : تعرف نواف الحمد ؟

فهد : طبعا زميلي وصديقي

نوره : ماكلمك اليوم ولا امس

فهد : لا والله له تقريبا اربعه ايام ماكلمني ؟

نوره مكسورة الخاطر : طيب شكرا

فهد : من اقول له

نوره تبتعد ولا ترد عليه بكلمه
تصل نوره لمنزلها الساعه الحاديه عشره قبل الظهر وقواها منهاره واعصابها تالفه
حبيبها لازال غائب
شوق ودموع وندم علىا ذنب لم تقترفه هي
علىا ذنب لم ترتكبه شقيقتها
علىا ذنب لم يقترفه نواف
دلال : حبيبتي نوره هدي بيرجع صدقيني بيرجع

وفي تمام الساعه الواحده والنصف ظهراً

الخدامه تدخل الىا غرفة نوره : نوره نواف في الحوش

نوره تخرج راكضه وهي تبكي

دلال تتجه الىا نافذه لترىا .. هو نواف !!

نواف ولكن نواف ليس بشكله الذي ظهر به في ليلة شبكته

نوره تستقبله وهي بمظهر لم يتوقعه نواف من قبل

نوره هلا حبيبي

ثم تحتضنه وهي لاتعي مالذي تفعله

ولكن الغريب ان يدي نواف كانت الىا الأسفل لم يحتضنها
نواف : وين دلال ؟

نوره : وينك ياحبيبي خوفتني عليك

نواف : ماراح ارد عليك الا لين تجيبين دلال

نوره : نواف حبيبي

نواف : اقول روحي جيبي دلال

تذهب نوره وتأتي هي ودلال

دلال قدمت ولكن لايرى منها الا عينيها

دلال : شلونك نواف حمدلله علىا السلامه

نواف : انتم اللي ضيعتوني خليتوني احبكم ثنتينكم

نوره تحاول الكلام

نواف : خليني اكمل كلامي

نواف : حبيت دلال اكثر منك يانوره .. نوره اناتوقعت انك اخلصتي لي اثاريك جحدتيني
وانا مشلول تخليتي عني
ليش تخليتي عني ؟؟؟ عشاني مشلول صح ؟؟
وانتي يادلال يا أكبر كذابه كلكم قتلتوني
قتلتوني
قتلتوني
ثم يخرج سكين من جيبه ويغرزها في صدره

نوره تقترب وتحتضنه ليسيل دمه علىا صدرها وهي تبكي تأخذ من دمه وتمسح علىا
وجهها

دلال تتقدم باكيه : حبيبي نوااااااااااااااااااااااف

نوره وهي منهاره تخرج السكين من صدر نواف وتطعن دلال : لاااااااااااااااااتقولين حبيبي
لااااااااااا ..... لاتقولين حبيبي نواف حبيبي انا وبس

دلال لقيت حتفها علىا الفور

نوره تدخل السجن

نواف لم يمت من أثر الطعنه ولكنه فقد عقله عندما علم ان نوره في السجن ودلال في القبر

يقضي نواف أيامه هادئاً ولكن تنتابه نوبات يخرج رأسه مع نافذة غرفته في مصحة
الأمراض النفسيه وهو يصرخ بأعلىا صوت

((حبيبتي نوره ليش تقتلين اختك حبيبتي دلال))

((حبيبتي نوره ليش تقتلين اختك حبيبتي دلال))

((حبيبتي نوره ليش تقتلين اختك حبيبتي دلال))

((حبيبتي نوره ليش تقتلين اختك حبيبتي دلال))

((حبيبتي نوره ليش تقتلين اختك حبيبتي دلال))

((حبيبتي نوره ليش تقتلين اختك حبيبتي دلال))

((حبيبتي نوره ليش تقتلين اختك حبيبتي دلال))

>>>>>>>>>>>> النهـــــــــــايه <<<<<<<<<<<